Манай дэлхийн сонин хачин хүмүүс дэндүү олон юм. Саяхан Зимбабве улсын шашны номлогч Пол Сиянгоре тун хачин мэдэгдэл хийж, шуугиан дэгдээв. Пол өөрийгөө Алмайти буюу бүхнийг чадагч бурхантай ярилцаж, утасны дугаарыг нь авсан гэж зарлажээ.
Тэрээр "Бурхан над руу байнга залгаж, цуглаанаа амжилттай зохион байгуулахад тусалдаг. Би дуртай үедээ түүн рүү залгадаг юм. Намайг залбирлаа үйлдэж байхад шууд залгаарай гэж хэлэхийг сонсдог" хэмээн Зимбабвегийн нэр хүнд бүхий "H-Metro" сайтад өгсөн ярилцлагадаа онцолжээ.
Түүгээр ч үл барам "Victory TV" шашны сувгаар шоу нэвтрүүлэг цацаж, өөрийнхөө бурхантай ярилцаж буй 40 минутын бичлэгээ сонсгосон байна. Үүнийгээ нийтэд гэрчлэхийн тулд хүмүүсийг нэвтрүүлэгтээ урьж оролцуулж эхэлжээ. Харин олон нийт түүний утгагүй яриаг огтхон ч ойшоосонгүй. Хэдэн жилийн өмнө Өмнөд Африкийн нэгэн номлогч "Бурхны дагагчидтай уулзсан. Тэд өвс ногоо, хүний үс идэж, моторын тос ууж байсан" хэмээн мэдэгдэж байжээ.
Сэтгэгдэл (0)
Сэтгэгдэл бичигдээгүй байна