Эрүүл мэндийн сайд С.Чинзориг Баянхонгор аймгийн Бууцагаан сумын иргэдтэй уулзлаа

О.Шүрэнцэцэг
2024/05/07

Эрүүл мэндийн сайд С.Чинзориг Баянхонгор аймгийн Бууцагаан сумын иргэдтэй уулзлаа.

Бууцагаан Баянхонгор аймгийн захын сумын нэг, нийслэлээс 800 гаруй км алслагдсан ч баруун чиглэлийн Баян-Өлгий, Ховд, Говь-Алтай орох автозам сумын төвөөр дайран өнгөрдөг учраас дэд бүтэц сайтай, хол ойроос ирж очиход хүндрэл багатай.

Тус сум 3700 гаруй хүн амтай, засаг захиргааны 6 багтай. Иргэдийн дийлэнх нь мал аж ахуй эрхэлдэг бөгөөд сүү цагаан идээ тэр дундаа тэмээн тавган ааруулаараа алдартай. Тэд нутгийн брэнд тэмээн тавган ааруулаа дэлхийд гаргах том мөрөөдөлтэй явдгийг иргэд уулзалтын үеэр дуулгажээ. Энэ ажилдаа төр, засгаас дэмжлэг хүсч буйгаа ч илэрхийлсэн аж.

Түүнээс гадна Бууцагааныхан төр, засгийн бодлого шийдвэр, хууль тогтоомжийн талаар мэдээлэл сайтай нь иргэдтэй хийсэн уулзалтын үеэр асууж тодруулж байгаа зүйлээс нь төвөггүй мэдэрч болохоор.

Батлан гаргасан хууль тогтоомжийг олон нийтэд, ялангуяа орон нутагт сурталчлан таниулах тал дээр онцгой анхаарч ажиллах шаардлага байна гэв. Хуулиа сайтар сурталчилж байж хэрэгжилтийг хангуулж, хэрэгжилтэд нь хяналт тавьж чадна хэмээв.

Сумын Ахмадын хорооны дарга Лхагвасүрэн орон нутгийн дэмжлэгээр Ахмадын өргөөтэй болсон, Ахмадын чуулга уулзалт хоёр ч удаа зохион байгуулжээ. Тэрбээр орон нутагт Ахмад настны хуулийг хэрэгжүүлэхгүй байгаад шүүмжлэлтэй ханддагаа хэллээ.

Үүнд Эрүүл мэндийн сайд, "Нутгийнхаа ахмадуудын төлөө сэтгэл гарган зүтгэдэг, хийж бүтээх гэсэн чин сэтгэлтэй ийм хүн орон нутагт олон. Гагцхүү тэднийг дэмжих л хэрэгтэй юм" хэмээв.

Малчин Цэцэглэн, "Махны үнэ хотод л өндөр байгаа болохоос хөдөө малчдын гар дээрээс тун ч хямдхан авч байгаа гээд мал, махаа гадагшаа гаргаж малчдынхаа орлогыг нэмэгдүүлэхэд анхаарахгүй бол махны үнэтэй холбоод малчдын нэр хүндийг унагаж байна. Малчны хөдөлмөр цаг наргүй, амралт чөлөө цаг гэж байхгүй, байгалийн араншин, малынхаа аяыг харж амьдардаг малчдад хандсан төрийн цэгцтэй зөв бодлого хэрэгтэй" гэдгийг хэлжээ.

Иргэд олон сэдвээр санал бодлоо илэрхийлсэн аж. Нүүрсний сонсгол зэргээр төрд нүүрэлсэн хулгай луйврыг таслан зогсоохын төлөө төр, засаг хангалттай ажиллаж байгаа ч хариуцлага тооцохгүй байна гэдгийг хэлсэн байна.

Хөдөөгийнхнийг эрт илрүүлэгт хамруулахад анхаарч өгөөч гэсэн хүсэлтийг тавьж, хотын эмч нарын чадвар сайн ч ачаалал л үнэхээр их болохоор хөдөөнөөс очоод хүссэн үйлчилгээгээ авахад хүндрэлтэйг ярьж байлаа.

May be an image of 10 people

Аймгийн нэгдсэн эмнэлэг хүнд сурталтай, тусламж үйлчилгээ авахад төвөгтэй байдаг талаар нэг биш хүн шүүмжлэв. Бүсийн оношлогоо эмчилгээний төвтэй ижил үйлчилгээ үзүүлдэг лавлагаа шатлалын томоохон эмнэлэгтэй болмоор байна гэж байв. Мөн малын индексжүүлсэн даатгалд жил бүр даатгуулдаг ч үр өгөөж нь алга, бэлчээрийн даац хэтэрлээ, яаж зохицуулах вэ гэсэн асуулт ч гарав.

May be an image of 11 people and text

Сумын Эрүүл мэндийн төв 12 ортой хэвтэн эмчлүүлэх тасагтай, өдрийн эмчилгээ, үзлэгийн өрөө тасалгаа хангалттай тохилог сайхан байртай. Түргэн тусламжийн унаа нь эвдэрснээс яаралтай дуудлаганд явах гэж хүн хүний машин царайчлахад хүрдэг байсан цаг ард үлдэж, ЭМЯ-аас өнгөрсөн гуравдугаар сард өгсөн цоо шинэ Тоёота Ланд 78 машинаараа хөдөөгийн иргэдэд тусламж үйлчилгээг төвөггүй үзүүлдэг болсондоо хэн хүнгүй баяртай байгаа аж.


0
angry
0
care
2
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
НЗД-ын орлогч О.Номинчимэг нэг цэгийн үйлчилгээний төвүүдэд хөхүүл эмэгтэйн өрөө байгуулах санамж бичгийг үзэглэлээ 6 цагийн өмнө
Лу.Гантөмөр: Залуусын саналыг татахын тулд С.Цэнгүүнийг жагсаалтын дээгүүр оруулсан 6 цагийн өмнө
Төв номын сангийн шинэ барилга ашиглалтад орлоо 7 цагийн өмнө
Б.Пүрэвдорж: С.Баярцогтыг нэр дэвшүүлэхгүй гэдэг саналыг би гаргаж ҮБХ-ны гишүүд 100 хувьтай дэмжсэн 7 цагийн өмнө
О.Амгаланбаатар: С.Баярцогт тэргүүтнийг хазаарласан нь Монголын ардчилал эрүүл байгааг харуулж байна 8 цагийн өмнө
Чой Жин Вон: Монгол, Солонгосын иргэд харилцан зорчих нөхцөлийг хөнгөвчлөх чиглэлээр онцгой анхаарч ажиллана 8 цагийн өмнө
Л.Гүндалай: Ер нь малчдаа дэмжээд зуд зурхан болсон энэ хүнд хэцүү үед нь зээлийг нь тэглэх нь зөв 10 цагийн өмнө
С.Амарсайхан: Үерийг анхааруулаад байхад иргэд сэрэмжгүйгээс амь нас, эд хөрөнгөөрөө хохирдог 10 цагийн өмнө
АН: Монголын ард түмнийг өрийн дарамтаас чөлөөлөх нь манай 126 нэр дэвшигчийн гол ажил 11 цагийн өмнө
Лу.Гантөмөр:Жагсаалтын есдүгээрт Х.Тэмүүжин бичигдсэн 11 цагийн өмнө
Ирэх саруудад аянга цахилгаантай аадар бороо, нөөлөг салхины эрсдэл маш өндөр байна 11 цагийн өмнө
Лу.Гантөмөр: СЕХ руу хоёр материал очих боломжгүй 12 цагийн өмнө
Хоёр машин мөргөлдөж, таван хүн эмнэлэгт хүргэгджээ 12 цагийн өмнө
Эверестэд амиа алдсан уулчдад зориулж өнөөдөр төв талбайд зул өргөнө 13 цагийн өмнө
Хүнсний 4 дүгээр дэлгүүрийн уулзвараас ШУТИС-ийн уулзвар хүртэлх авто замыг шинэчилнэ 13 цагийн өмнө
​О.Цогтгэрэл: Сонгуультай холбоотой тодорхой мэдээллийг өнөөдөр 12 цагт өгнө 13 цагийн өмнө
Элсэлтийн шалгалт долдугаар сарын 4-нд түүхийн хичээлээр эхэлнэ 14 цагийн өмнө
Төвийн аймгуудын баруун хэсгээр дуу цахилгаантай аадар бороо орно 16 цагийн өмнө
МУГТ Э.Цэндбаатар Олимпын эрх олгох тэмцээний эхний ялалтаа авчээ Өчигдөр
СЕХ: Ардчилсан намаас тайлбар авна Өчигдөр