Нийгмийн бодлого, боловсрол, соёл, шинжлэх ухааны байнгын хорооны өнөөдрийн хуралдаанаар БСШУС-ын сайд Ц.Цогзолмааг үүрэгт ажлаас нь огцруулах асуудлыг хэлэлцэнэ. Түүнийг кабинетын зарчмаар ажиллаж чадаагүй шалтгаанаар албан тушаалаас нь огцруулах саналыг Ерөнхий сайд У.Хүрэлсүх гаргаад буй юм.Харин Ц.Цогзолмаа сайд энэ албан тушаалыг өгөхийг яаравчилж буй бололтой. Тэрбээр өнөөдөр байнгын хорооны гишүүдээс өөрийгөө чөлөөлөж өгөхийг гуйсан гэнэ. Энэ тухайгаа "Намайг авч үлдэнэ гэж битгий кноп дараарай, намайг чөлөөлөөд явуулаад өгөөч ээ гэж би байнгын хорооныхноос гуйсан" хэмээн сэтгүүлчдэд мэдээлэл өгөх үеэрээ хэллээ.
Мөн ЗТХ-ийн сайд Я.Содбаатарыг үүрэгт ажлаас нь чөлөөлж, өөрийг нь огцруулж буй асуудалд "Ерөнхий сайд санал өргөн барихдаа Я.Содбаатарыг ЖДҮ-тай холбогдсон учраас чөлөөлж, намайг кноп дарсан учраас огцруулна гэсэн. Энэ шударга уу гэдэгт юм ойлгодог хүмүүс үнэлгээгээ өгөх байх" гэсэн тайлбарыг өглөө.
Сэтгэгдэл (0)
Сэтгэгдэл бичигдээгүй байна