Таван Богд Моторс ХХК –Geely брэнд ‘’Дэлхийн хүүхдийн өдөр’’-ийг тохиолдуулан ‘’Аюулгүй автомашин’’ өдөрлөгийг зохион байгууллаа

"Дэлхийн хүүхдийн өдөр"–ийг анх “Нэгдсэн үндэстний ерөнхий ассамблей” хүүхдийн эрхийн тунхаглалыг тэмдэглэх зорилгоор тогтоосон байдаг. Монгол орны хувьд энэ өдрийг хүүхдийн үзэл бодол дуу хоолойг сонсох тэдний эрх ашгийг хүндлэх өдөр болгон  зохион байгуулдаг байна.

 Энэ өдрийг тохиолдуулан Таван Богд Моторс ХХК,Geely брэнд нь Монголын хүүхдийн урлан бүтээх төвтэй хамтран тогтвортой хөгжлийн зорилтын хүрээнд иргэд олон нийтэд чиглэсэн нөлөөллийн үйл ажиллагаа зохион байгуулжээ.

Өдөрлөгт хүүхэд багачууд “Миний мөрөөдөл" “Миний-Монгол улс” сэдвүүдээр үзэл бодлоо илэрхийлж “Аюулгүй автомашин” сэдэвт гар зураг зуран нэгэн өдрийг хамтдаа суралцаж хөгжилтэйгөөр өнгөрүүлсэн байна. Түүнчлэн хүүхэд бүр эрүүл саруул өсөж торнин аливаа осол гэмтлээс хол байх эрхтэй. Иймд эцэг эх болон бүх нийтийн оролцоо чухал гэдгийг таниулах нь энэхүү өдөрлөгийн гол зорилго байлаа.

 “Сүүлийн 5 жилийн байдлаар улсын хэмжээнд хүүхэд өртсөн зам тээврийн осол 4,956 удаа бүртгэгдсэн байна.”

Зам тээврийн ослын дийлэнх нь жолоочийн хариуцлагагүй байдал болон баталгаагүй он хуучин бүрэн бус тээврийн хэрэгслээс үүддэг байна.

Иймд Таван Богд Моторс компани нь Volvo-ийн толгой компани болох Geely брэндийн шинэ автомашиныг 7 сараас эхлэн албан ёсны эрхтэйгээр борлуулж ирсэн бөгөөд Geely автомашины автомат тоормос систем нь урд байгаа саадыг мэдэрч автоматаар зогсдогоороо онцлогтой. Энэ нь явган зорчигч, жолоочийн аюулгүй байдлыг хамгаалахаас гадна зам тээврийн ослоос урьдчилан сэргийлнэ. Монгол хүн бүр чанартай аюулгүй автомашин унах боломжтой гэдгийг Таван Богд Моторс компани Geely брэндээрээ онцоллоо.

Хүүхэд бүр аюулгүй аз жаргалтай байгаасай.

-Geely - Таван Богд Моторс ХХК