Үерийн улмаас орон гэргүй болсон иргэдэд иж бүрэн тавилгатай монгол гэрийг газартай нь олгожээ


Наймдугаар сарын 5-нд их хэмжээний усархаг аадар бороо орсны улмаас Баянзүрх дүүргийн 21, 27, 29 дүгээр хороо буюу Дахь-Эх, Монел орчим уруйн үерт автсан. Улмаар дөрвөн хүний эрдэнэт амь эрсдэж, олон иргэн орон гэр, эд хөрөнгөөрөө хохирсон юм. Иймээс Нийслэлийн Засаг даргын нөөц хөрөнгөөс амь эрсэдсэн иргэдийн ар гэрт тус бүр хоёр өрөө орон сууц, орон гэргүй болсон иргэдэд иж бүрэн тавилгатай монгол гэр олгохоор болсон.

Газрын зөвшөөрөлгүй 46 өрх үерт өртсөн бөгөөд эдгээр иргэнийг амьдарч байгаа газартай нь хамгийн ойрхон буюу 2-2.5 км зайд таван га газарт нүүлгэн шилжүүлэхээр шийдвэрлэсэн юм. Эхний 20 айлын гэр, дэд бүтэц, хүнс, бусад эд зүйлийг хүлээлгэн өгөх бэлтгэл ажлыг бүрэн хангалаа. Мөн үерээр харамсалтайгаар амиа алдсан нэг иргэний ар гэрт хоёр өрөө орон сууцны дэмжлэг үзүүлсэн байна. Үлдсэн иргэдийн байрыг тун удахгүй шийдэх юм.

Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч Ж.Сандагсүрэн:

-Үерийн гамшигт өртөж, орон гэр нь сүйдсэн 20 айлд газрын гэрчилгээ олгон, иж бүрэн гэр бэлдлээ. Мөн цахилгаан, худгийг шийдэж байгаа. Шинэ суурьшлын бүс учраас иргэдэд хүндрэл учирч буй. Тиймээс нийслэл эдгээр асуудлыг үе шаттай шийднэ. Нийтийн тээврийн үйлчилгээ, цаашлаад замын асуудлыг шийдвэрлэх юм. Нийслэлд үерийн эрсдэлтэй бүсэд буусан 3000 гаруй өрх бий. Үүнийг үе шаттай, яаралтай шийдэх шаардлагатай байна хэмээв.

Гэрүүдийг ЖДҮҮ эрхлэгчид үйлдвэрлэж, хөнгөлөлттэй үнээр нийлүүлсэн байна. Мөн гэрийн гишүүдэд зориулж өрх бүрд бүтээгдэхүүнийхээ дээжээс бүрдсэн багц бэлэглэжээ.

Нийслэлийн Жижиг, дунд үйлдвэр, үйлчилгээг дэмжих төв НӨҮГ-ын дарга Г.Гангамөрөн:

-Таван ханатай иж бүрэн гэр зах зээлд 4-5 сая төгрөгийн үнэтэй байдаг. Доторх тавилгууд нь мөн тусдаа үнэлгээтэй. Бид үйлдвэр эрхлэгчдээсээ 30 хувийн хямдралтай үнээр худалдан авч, нийлүүлж байгаа. Нийслэлийн 120 гаруй ЖДҮҮ эрхлэгчид үер усанд автсан 105 гаруй өрх болон гэр хүлээн авч байгаа 20 айлын гишүүн бүрд өөрсдийн хийдэг бүтээгдэхүүнийхээ дээж болох эсгий гутал, хувцас, хөнжил, гудас, дэр, цагаан хэрэглэл, ахуйн хэрэглээний зүйлсээс бүрдсэн багцуудыг бэлэглэсэн гэв.

Үерт гэр нь сүйдсэн иргэн Т.Нацагдорж:

-Би эхнэр болон хүүхдүүд, охиныхоо дөрвөн хүүхэдтэй, наймуулаа амьдардаг. Гэр рүү ус орж эхлэхээр нь гэрээ тойруулж шуудуу татаж байтал гэнэт үер орж ирсэн. Хүүхдүүд гэрийн урд байсан юм. Хүүхдүүдээ авах гээд явах гэтэл явах боломжгүй болсон. Манай хашаанд маш олон машин урсаж орж ирсэн. Төд удалгүй үер татарч, машины жолооч нар хүүхдүүдийг маань аварч гаргасан. Манай гэр үерт автаж, лаг шавар орж, авах зүйлгүй болсон. Хүүхдүүдтэйгээ эсэн мэнд байгаадаа, гэртэй болсондоо баяртай байна. Нийслэл болон дүүргийн удирдлагууд, үерийн үеэр нойр, хоолоо умартан иргэдийн төлөө ажилласан ажилтан, алба хаагч нарт, мөн ЖДҮҮ эрхлэгч нарт чин сэтгэлийн талархал илэрхийлье хэмээсэн.

Тус иргэдийн цахилгааныг 1.1 км газраас татаж байгаа юм. Улаанбаатар цахилгаан түгээх сүлжээ ТӨХК-ийн Ашиглалт засварын зүүн төвийн Ашиглалт үйлчилгээний хэсгийн ахлагч Ж. Батзориг:

-Иргэдийг цахилгаанд холбохоор 21 албан хаагч найман машинтай үүрэг гүйцэтгэж байна. Цахилгааны шугамыг 1.1 км газраас татаж,  дэд өртөө, тоолууржуулалтын ажил хийж байгаа. Ням гараг буюу наймдугаар сарын 13-н гэхэд ажлаа дуусгахаар төлөвлөсөн. Ингэснээр нийт 66 айлыг цахилгаанд холбоно гэлээ.

Үерийн эрсдэлтэй бүсэд буусан 3000 гаруй өрхийг нүүлгэн шилжүүлэх ажлыг нийслэлээс үе шаттай хийнэ. Энэ ажилд иргэдийн идэвх, санаачилга чухал үүрэгтэй юм. Иймээс иргэд та бүхэн үерийн эрсдэлтэй бүсэд амьдардаг бол НИТХ-аас баталсан 1000 гаруй га газраас сонгон, ирээдүйд үүсэж болох эрсдэлээс сэргийлээрэй.


3
angry
2
care
0
haha
2
liked
1
love
1
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Ховд аймагт барилгын өргөгч тасарч дөрвөн хүн амиа алджээ 6 цагийн өмнө
У.Хүрэлсүх: Намайг Ерөнхийлөгч байх хугацаанд Үндсэн хуульд гар хүрэхгүй! 6 цагийн өмнө
37 дахь удаагийн “Номын баяр”-ын шилдгүүд тодорлоо    6 цагийн өмнө
Дорноговь аймгийн 12 сум хүнсний эрхийн бичгээс татгалзжээ 7 цагийн өмнө
Улаанбурхан өвчний лабораториор батлагдсан 2200 боллоо 10 цагийн өмнө
Нийслэлийн хэмжээнд 44 байршилд нөөцийн мах худалдаалж байна 10 цагийн өмнө
Б.Жавхлан: “Алт-3” хөтөлбөр валютын нөөц нэмэгдүүлэхэд ач тусаа өгнө 11 цагийн өмнө
Л.Оюун-Эрдэнэ: Сэтэрхий тэвнэ, сиймхий хадаг дээр ч орлогоо нотолж чадахгүй бол хариуцлага хүлээхэд бэлэн байна 11 цагийн өмнө
Бага ангийнхны зуны амралт 6-р сарын 9-нөөс эхэлнэ 11 цагийн өмнө
Х.Нямбаатар: Туул хурдны зам, хотын тойрог зам ашиглалтад орсноор түгжрэл 50 хувь буурна 11 цагийн өмнө
ЭХЭМҮТ: Хүүхэд, нярайн зүрхний нээлттэй мэс заслыг нутагшуулна 12 цагийн өмнө
Улаанбаатарт үүлшинэ, бороо орохгүй 12 цагийн өмнө
​ “GS25-ын 4 жилийн ой энэ сард тохиож байна” 13 цагийн өмнө
Э.Сайнзориг: Жил ирэх бүр хүмүүсийн худалдан авалт муудаж байна Өчигдөр
Агаарын бохирдол бууруулах ажлуудаа дулааны улиралд ч үргэлжлүүлж, Дулаанбаатар аян эхлүүлнэ Өчигдөр
​ Жюү жицү: Б.Наранхишиг “Их дуулга”-ын аварга боллоо Өчигдөр
​“Чингэлтэй фестиваль 2025” иргэдийн баярыг “шинэ чингэлтэй” уриан дор зохион байгуулж байна Өчигдөр
​Улсын харцага Г.Ганхуягийг цагдан хорих хугацааг шүүхээс дахин 30 хоногоор сунгажээ Өчигдөр
“Метро малл” худалдааны төвөөс Анкарагийн гудамж, Самбуугийн гудамж хүртэлх авто замыг хаажээ Өчигдөр
Улаанбаатарт 9 градус дулаан өдөртөө багавтар үүлтэй Өчигдөр