Сэлэнгийн Цагдаагийн газрын удирдлагуудыг ажлаас нь чөлөөлжээ

Сэлэнгэ аймгийн Цагдаагийн газрын дөрвөн албан хаагч 13 настай охинтой бэлгийн харилцаанд орсон байж болзошгүй хэргийг шалгаж эхэлсэн билээ. 

ЦЕГ-ын дарга Т.Сүхболдоор ахлуулсан ажлын хэсэг өчигдөр /2024.04.04/ Сэлэнгэ аймагт ажиллаж,  хэрэгт холбогдсон цагдаагийн нэг албан хаагчийг цагдан хорьжээ. Харин хэрэгт холбогдсон гурван албан хаагчийг түр саатуулж, үргэлжлүүлэн хорих эсэхийг өнөөдөр шүүхээр шийднэ гэх мэдээлэл хэвлэл мэдээллийн хэрэгслүүдээр гарчээ. 

Мөн ЦЕГ-ын дарга Т.Сүхболд Сэлэнгэ аймгийн Цагдаагийн газрын дарга Ж.Энхбат нарын удирдах албан тушаалтнуудыг ажлаас нь чөлөөлсөн байна.