"Сэтгүүлч Б.Ганчимэгийн сэтгүүлдээ зориулж хийсэн ярилцлагыг нь телевизүүдээр зөвшөөрөлгүй цацсан"

“Hero”-ийн найруулагч Б.Баатар сэтгүүлч Б.Ганчимэгийн ярилцлагын яриаг дур мэдэн нэвтрүүлгийн эвлүүлэгтээ ашиглаж, зөвшөөрөлгүйгээр цацсан талаар сэтгүүлч Б.Ганчимэгийн найз н.Туяа мэдээлэл хийлээ. 

Тэрбээр саяхан телевизүүдээр "Улаанбаатараас ярьж байна" нэртэй ярилцлага гарсан. Энэ нэвтрүүлэгээр  сэтгүүлч Б.Ганчимэгийн эрхийг зөрчсөн. Нэр хүнд, сэтгэл санааг нь хохироосон учраас энэхүү мэдээллийг хийж байна.  Ерөнхий сайд Л.Оюун-Эрдэнэтэй ярилцсан юм. Б.Ганчимэг сэтгүүлчийн Ерөнхий сайдтай хийсэн тухайн ярилцлага нь  "Ярилцлага" сэтгүүлийнхээ энэ сарын дугаарт зориулан авсан.  Гэтэл найруулагч Б.Баатар түүний дүрсийг эвлүүлэн нэвтрүүлэгтээ ашигласан нь сэтгүүлчийн нэр төр, алдар  хүнд, эрүүл мэндэд сөргөөр нөлөөлсөн. Хүчтэй нь хүчгүйгээ дийлж зулгааж иддэг нь амьтны жам. Б.Ганчимэг 30 гаруй жилийн хөдөлмөрөөрөө сэтгүүлч гэж хүлээн зөвшөөрөгдсөн.

Сэтгүүлч Б.Ганчимэг энэ ярилцлагыг хийхдээ телевизийн нэвтрүүлэгт оролцоно гэж бодолгүй явж очсон. Өөрөө өөрийгөө бүтээсэн сэтгүүлч Б.Ганчимэгийн сэтгэл санаа маш хүнд, зүрх нь өвдсөн. “Hero”-ийн найруулагч Б.Баатар өмнө нь нэр бүхий хүмүүсийн бичлэгийг ч гэсэн зөвшөөрөлгүйгээр олон нийтэд цацаж байсан" гэлээ. 

Тэгвэл эл асуудлаар дөнгөж сая сэтгүүлч Б.Ганчимэг цахим хуудсандаа "Ойрын үед би “Бай” болоод жаахан хүнд байна. Сая миний багын найз хэвлэлийн хурал хийжээ.Би Неро Баатартай хамтарч улс төрийн намын дарга нарыг оролцуулсан “Улаанбаатараас ярьж байна”цуврал контентоо хийхээр бэлтгэл ажил явж байгаа.Дараагийн зочин АН- ын дарга Лу. Гантөмөр… Баатар бид хоёрын харилцаанд бүлэглэл битгий санаа зов оо…" гэжээ.