Б.Гансүлд: 70 сая төгрөгийн бараа маань замдаа шатсан ч шантралгүй зүтгэж "Сүлдээгийн дэлгүүр"-ээ нээсэн

Сүлдээгийн Дэлгүүр-ийн Сүлдээтэй ярилцлаа.
“Анх 70 сая төгрөгийн бараа захиалчихсан байтал бараа маань замдаа машинтайгаа шатаад юу ч үгүй хоцорсон. Тэр үед 21 настай байсан болохоор хэдэн өдөр уйлж, сүүлдээ ээж “үхэл хагацал тохиолдчихсон биш” гэж загнаж байсан. Лайваар гоо сайхны бүтээгдэхүүнээ туршиж үзэхээр “чи гомо юм уу, цэрэгт яв, өөр юм олж хий” гэсэн сэтгэгдлүүд их ирнэ. Тоохгүй л ажлаа үргэлжлүүлээд ковидын үед Сүлдээгийн дэлгүүрээ нээсэн. Би хими технологиор төгссөн учраас гоо бүтээгдэхүүнд ордог орц найрлагыг маш сайн мэднэ. Дэлгүүрийн бараануудаа бүгдийг нь тайлбарлаж чадна. Хүмүүст сэтгэлээсээ туслая гэж боддог болохоор сард 10-20 сая төгрөгийн хандивт заавал оролцдог. Учир нь дэлгүүрээс маань худалдан авалт хийдэг хүмүүсийн хүчээр би өдий зэрэгтэй яваа болохоор бусдад тус хүргэснээ дөвийлгөөд байхыг хүсдэггүй”.