Б.Тулга: Хоёр уулчны асуудлаар Непал улсын ЗГ-т хандсан, буцаж буусан нэг уулчны нүд нь юм харахгүй байгаа юм билээ

Эверестэд авиралт хийхээр явсан Монгол улсын хоёр уулчин сураггүй болоод байна. Тэд гурвуулаа авиралт хийж байсан ч нэгийнх нь бие муудаж, буцсан юм. Бид албаныханаас мэдээллийг тодрууллаа. 

Монголын Уулын Холбооны Ерөнхийлөгч асан Б.Тулга: Эверестэд авиралт хийж байсан хоёр уулчин эрсдэлд орж, алга болсон. Бид мэдээллийн дагуу Непал улсын талтай холбогдож, эрэн хайх, аврах ажиллагааг эхлүүлсэн байгаа. Тухайн хоёр уулчин алга болоод  72 цаг болсон учраас хүндрэлтэй нөхцөл байдал үүсэхээр байна. Гурван хүн явсны нэг нь бие нь муудаад буусан. Тухайн буусан уулчин нүд нь юм харахгүй байгаа гэж байсан ч уулнаас бууснаас хойш арай дээрдсэн гэх мэдээлэл авсан. Непал улсын уулын холбоо, Засгийн газар руу нь бид хандсан байгаа. Мөн тус улсад суугаа Монгол улсын Консул уг асуудалд анхаарлаа хандуулах хүсэлт чиглэл өгсөн. Миний хувьд өнгөрсөн жил ажлаа өгсөн. Гэхдээ миний оронд томилогдох хүнээ сонглж амжаагүй юм шиг байна лээ. Тухайн хоёр залууг мэргэжлийн уулчин эсэхийг би сайн мэдэхгүй байна. Монгол улсад мэргэшсэн хөтөч, уулчин бараг байдаггүй.