Ханх суманд 5,2 магнитудын хүчтэй газар хөдөлжээ

Хөвсгөл аймгийн Ханх суманд өнөөдөр  өглөөний 06.16 цагт 5.2 магнитудын хүчтэй газар хөдөлжээ.

Шинжлэх ухааны академийн Одон орон, геофизикийн хүрээлэнгийн мэдээллээр Хөвсгөл аймгийн Ханх сумын төвөөс зүүн зүгт 10 км, Ренчинлхүмбэ сумын төвөөс зүүн хойд зүгт 91 км, Цагааннуур сумын төвөөс зүүн зүгт 102 км газарт хүчтэй газар хөдөлсөн байна.

Монгол Улс Төв Азийн газар хөдлөлтийн идэвхтэй бүсэд оршдог.  Сүүлийн 10 жилд болсон 260 мянга гаруй газар хөдөлснөөс хоёр удаа долоон магнитудын хүчтэй, долоон удаа зургаан магнитуд, 100 гаруй удаа таван магнитуд, мянга гаруй удаа дөрвөн магнитуд, 10 мянга гаруй удаа гурван магнитудын хүчтэй газар хөдлөлт болж байжээ.