П.Наранбаяр: Хамтарсан Засгийн газар хийсэн ажилтай байх чухал

Боловсролын сайд П.Наранбаяр: "Өнөөдөр хамтарсан Засгийн газрын асуудлаар гурван намын олон суудалтай байгаа намын бага хурлаар хэлэлцэх гэж байна. Энэ хурлаар шийдвэр нь гарах байх. Гэхдээ бид ирээдүйгээ харж улс орноо хөгжүүлэх, эдийн засгаа хөгжүүлж, хүн амын амьжиргааны түвшинг дээшлүүлэх ёстой гэж харж байгаа. Хамтарсан Засгийн газар байгуулагдаад 14 мега төслийн тав нь бодитой хэрэгжиж байна. Үүнийг хүмүүс хараасай. Өнөөдөр жагсаж байгаа залуучууд итгэл үнэмшлээ илэрхийлж байгаа залуучуудын хувьд бол ардчилсан улсад байх ёстой зүйл. Сонгогчид байр сууриа илэрхийлээд тэр нь УИХ-ын үндсэн хуульд заасан систем ажилвал бид хүлээж байгаа. Хамтарсан Засгийн газар хийсэн ажилтай байх чухал. Цаашдаа олон зүйл хийнэ. Ирэх жил боловсролын дэмжих жилийн хүрээнд 108 сургууль, 79 цэцэрлэг шинээр барина. Зарим барилгыг шинэчилнэ" гэв.