​ С.Шижирбат: Н.Өсөхбаяраас S 1 ангилалын бүх цаг үед хориотой стеройд илэрсэн

Энэ жилийн улсын наадмын үзүүр бөхөөс допинг илэрсэн. Тэгвэл тайлбарлагч С.Шижирбат байр сууриа илэрхийллээ. 

Тэрээр "Германы лабортори ВАДА руугаа тайлангаа явуулдаг гэдгийг дахин дахин хэлээд байгаа шүү. 23 жил Монголчууд допингийн хэрүүл хийлээ. Хавтгайрсан гэдгээ бүгд мэднэ, хоног цикльдээ алдаал азаартдаг. Сүүлийн 2 жил цагдаа тагнуул АТГ-ийн ажилтнууд дүрмийн дагуу сургалтанд сууж наадмын допингийн шинжилгээг хянадаг болсон.Хяналтгүй байсан он жилүүдийн асуудлуудыг яриад ч нэмэргүй болсон. Наадмын өмнө явцын шинжилгээнээс 10аад сумын заануудаас илэрсэн.Одоо төрийн ордонд холбогдох байгууллагууд нь ороод УИХ-н гишүүд ороод хаалттайгаар допингийн сонсгол хийе.Нээлттэй хийвэл худлаа яриад жүжиглэх учраас хаалттай хийе, цаашдаа ямар өөрчлөлтүүд хийхээ гэдгээ ярилцъя.

Монада ажлаа хийж чадахгүй байна, ямар бодисууд илэрсэнийг зарлахгүй зориуд гацааж байна, хөндлөнгийн нөлөө ороод байвал яахуу.Үр дүнгийн удирдлагын багаа зөв бүрдүүлээд алдаагүй байх ёстой байтал энэ баг нь шийдвэрээ гаргаж чадахгүй гацчихсан. Энэ багт нь наадмын комиссын Давааням, Жамьянхүү, Монадагийн Зүчи гэсэн 3 хүн байна.Дүрмээ мэдэхгүй өөрсдөө дүрмээ зөрчөөд байдаг. Энэ 3 хүн гурвуулаа Үр дүнгийн удирдлагын багт байх ёсгүй.
Зүчи нь Монадагийн ажилтан бөгөөд шинжилгээ авах үйл ажиллагаанд ордог, Монадагийн ажилтан бөгөөд шинжилгээнд орсон хүн Үр дүнгийн удирдлагын багт ордоггүй юм. Наадмын комисст байгаа хүмүүс бас Үр дүнгийн удирдлагын багт ордоггүй юм. Допингийн эсрэг дүрмийн 8.2, 8.4, 8.6гийн заалтуудаа унш. Одоо шаардлага хангасан хүмүүсийг Үр дүнгийн удирдлагын багт томилоод шийдвэрийг нь гаргуулах ёстой" гэлээ.