Сангийн сайд Ч.Хүрэлбаатар өөрийн фейсбүүк хуудаснаа эдийн засгийн эерэг өөрчлөлтийн талаар ийн бичжээ. Дэлхийн Банкны Дэд ерөнхийлөгч Виктория Квакуатай уулзаж Монгол улсын Засгийн Газрын Дэлхийн Банктай хамтран хэрэгжүүлж буй "Эдийн засгийн удирдлагыг дэмжих хөгжлийн хөтөлбөр"-ийн явцийн талаар ярилцлаа. Манай улсын эдийн засагт бий болсон нааштай өөрчлөлтүүд, ололт амжилтыг цаашид хадгалах, тогтвортой өсөлтийг бий болгоход чиглэгдсэн арга хэмжээ болон хамтын ажиллагааны талаар ярилцав. Манай улс 1991 онд Дэлхийн Банкны 155 дахь гишүүнээр элсэн орсноос хойш даруй 27 жил өнгөрчээ. Энэ хугацаанд Дэлхийн банкнаас Монгол улсад нийт 1050 сая долларын хөгжлийн санхүүжилтыг олгоод байгаа билээ.
Сэтгэгдэл (0)
Сэтгэгдэл бичигдээгүй байна