МАНАЙ УЛСЫН ИРГЭДИЙГ БУРИАДЫН ГААЛИЙНХАН​ 100 САЯ РУБЛИЭР ТОРГОЖЭЭ

ОХУ болон БНХАУ-руу зорчиж байгаа иргэд хөрш хоёр орны гаалийн хууль тогтоомжийг зөрчиж ихээхэн хохирол амсчээ. Тухайлбал, буриадын гаалийн газраас ирүүлсэн мэдээллээр 2018 онд манай улсын 930 иргэн даатгал хийлгээгүй, эсвэл хуурамч даатгал ашигласны улмаас 100 сая рублын торгуулийн арга хэмжээ авагдсан байна.

Мөн БНХАУ-ын гаалийн газраас авсан мэдээллээр манай иргэд бэлэн авч яваа 5000-аас дээш юанаа мэдүүлээгүйгээс 20 сая гаруй юаныг хураалгажээ.

иймд ард иргэд ОХУ, БНХАУ-руу зорчихдоо тухайн улсад мөрдөгдөж байгаа хууль тогтоомжийг сайтар судлаж, аливаа эдийн засгийн хохирол амсахгүй байх нөхцөл бололцоог хангаж зорчихыг гаалийн ерөнхий газраас анхааруулж байна.