Монгол Улсын шүүх энэ оны эхний хагас жилд 840 удаа онлайнаар шүүх хуралдаан хийсэн байна.
Харин өнгөрсөн онд 990 удаа зайнаас шүүх хуралдаан хийжээ. Мэдээллийн технологийн дэвшлийг амжилттай хэрэгжүүлж зайнаас шүүх хуралдаан хийх нь иргэдийн зардал чирэгдэл, цаг завыг хэмнэх ач холбогдолтой аж.
Ингэхдээ хэргийн оролцогчийг дуу дүрс дамжуулах төхөөрөмж ашиглан, алсын зайнаас шүүх хуралдаанд оролцуулдаг байна.
Анх 2014 онд Төв аймагт болох шүүх хуралдаанд Ховд аймагт цагдан хоригдож байсан этгээдийг шүүх хуралд оролцуулахын тулд заавал хуяглан авч ирэх, буцааж хүргэх зэрэг шаардлага тулгарсан тул Шүүхийн ерөнхий зөвлөлийн байран дахь төхөөрөмжөөр хоёр аймгийг холбон анхны онлайн шүүх хуралдааныг хийж байжээ.
Сэтгэгдэл (0)
Сэтгэгдэл бичигдээгүй байна