БОАЖЯ ДАРХАН ЦААЗАТ ГАЗАР БАРИЛГА БАРИХ ЗӨВШӨӨРӨЛ ОЛГОСООР БАЙХ УУ?

Бидний хэлж заншснаар Зайсан Скүэйрийн зүүн талд газар ухаж байна гэсэн мэдээллийн мөрөөр манай сурвалжлах баг газар дээр нь очиж мэдээлэл хүргэсэн билээ.

Уг газар Барилгын Бирж ХХК үйл ажиллагаа явуулах зөвшөөрлийг анх БОАЖ-ын яамнаас 2005 онд авчээ. Анх аялал жуулчлалын зориулалтаар авсан газраа ийнхүү 14 жилийн дараа ашиглаж байгаа гэсэн мэдээллийг Байгаль орчны улсын байцаагчид хэлж байна. Асгац буюу шороо авчирч асгачихаад буцааж авч байна гэсэн мэдээллийг байгаль орчны байцаагчид хэлсэн. Гэвч тусгай газруудад зөвшөөрөл олгодог БОАЖ-ын яам дүлий дүмбийж байна. Бид энэ талаар БОАЖ-ын яамнаас тодруулахаар очиход Богд Хан уулын дархан цаазат газрын захиргаа үүнийг мэдэж байгаа. Бид удахгүй очиж шалгалт хийнэ гэсэн хариултыг өгсөн. Барилгын Бирж ХХК нь туул голын эрэг дагуу барилга барих гэж байгаа мэт газар ухсан байсныг дээрх бичлэгээс харж болно. Аялал жуулчлалын зориулалтаар авсан газар удахгүй бизнесийн зориулалттай өндөр шилэн барилга болон хувирахгүй гэх баталгаа байхгүй. Үүнд хяналт тавих яам агентлаг ч үгүй болжээ. Удахгүй Туул гол дээр барилга сүндэрлэж байгаль экологийг сүйтгэхийг БОАЖ-ын яам харсан ч хараагүй мэт суух бололтой.