МИАТ ТӨХК “Эх орондоо маск илгээцгээе” аянд нэгдлээ

Хилийн Чанад дахь Монголчуудын Зөвлөл ТББ-ын гишүүн, дэмжигч байгууллагууд болон иргэд Коронавирусийн халдвараас сэргийлэх зорилгоор “Эх орондоо маск илгээцгээе” аяныг хэрэгжүүлж эхэлжээ. Тус аянд Үндэсний агаарын тээвэрлэгч МИАТ ТӨХК компани нэгдсэн байна. МИАТ ТӨХК гадаад дахь өөрийн Төлөөлөгчийн газраар дамжуулан хилийн чанад дахь монголчуудын цуглуулсан амны хаалтыг Монгол Улсад үнэ төлбөргүй тээвэрлэн авчрах боломжтой гэдгээ илэрхийлсэн байна. МИАТ компани өчигдөрийн байдлаар БНСУ-ын Сөүл хот дахь Монголчуудын холбоо, Эмэгтэйчүүдийн холбоо болон Польш Улс дахь Эмч нарын холбоо зэрэг байгууллагын илгээсэн 44 хайрцаг амны хаалтыг үнэ төлбөргүй тээвэрлээд байна.