Тэргүүн хамба Д.Чойжамц: Хорио тавигдахаар тусгай лам гаргаж засал, ном уншуулна

Гандантэгчэнлин хийдээс цаг үеийн асуудлаар сүсэгтэн олон, ард иргэдэд хандсан мэдээлэл өгөх үеэр МБШТөв Гандантэгчэнлин хийдийн тэргүүн их хамба лам, гавж Д.Чойжамц засал хийх талаар тараах тайлбарыг өглөө: 

-Дээдсийн айлдсан номыг унших, утлага хийх, үрэл бүтээж зүүлгэх нь лам нарын хийдэг ажил. Ард түмний шалгарсан аргуудыг бүгдийг нь хийх хэрэгтэй. 100 мянган Дар эхийг унших ажлыг эхлүүлсэн. Энэ бол шашны ажил тул хэнээр ч заалгуулахгүй ард түмний төлөө, сүсэгтэн олны төлөө хийнэ.

Бид аль болох олон хүнийг цуглуулахгүй байх тал дээр зогсож байгаа. Шинэ жилийн засал энэ тэрийг заавал ийм үед яарч хийлгээд хэрэггүй. Энэ бол сайн л бол 1-2 сарын ажил биз. Үүний дараа бид тусгай зохион байгуулаад Цагаан сараар хийдэг гүрэм номыг бид тусгай лам гаргаад уншаад өгье гэсэн уриалга явуулж байгаа.

Олны хөдөлгөөн тасрахгүй байхыг бид мэдэхгүй сүсэгтэн олон мэднэ. Үрлийг аль болох олон хүн шавуулахгүй талаас нь бодож байгаа. Сүсэгтний холбоогоор дамжуулж тарааж магадгүй. Хурал ном хурна. Дайны байдалтай ч бай дөрвөн эрх чөлөө байдаг юм. Шашин шүтлэг бол байнгын байдаг.