Өнгөрсөн шөнө нийслэлийн зарим хэсгээр 46 мм хүртэл хур тунадас оржээ

Цаг уурын байгууллагын мэдээлснээр өнгөрсөн шөнө нийслэлийн зарим хэсгээр их хэмжээний бороо оржээ. Тухайлбал,

-Партизан орчимд 46 мм, 

-Мишээл орчимд 27 мм, 

-Тэрэлжид 22 мм, 

-Нисэх-Яармагт 15 мм, 

-Сонгинохайрхан дүүрэгт 13 мм, 

-Өлзийтөд 8 мм, 

-Багануурт 2 мм хур тунадас орсон байна.

Өнөөдөр Улаанбаатар хот болон Тэрэлж, Багануур орчмоор үүлэрхэг, бороотой байх төлөвтэй байна. Салхи секундэд 4-9 метр хүрч, борооны өмнө түр зуур ширүүсэх бөгөөд агаарын температур +21...+25 градус дулаан байна.

Мөн Үндэсний их баяр наадмын өдрүүдэд ч бороотой байх төлөвтэй байгаа тул Онцгой байдлын байгууллагаас иргэдийг гэр, хашаа, саравч, орон байраа үерийн усны зам, голын голдирол, гуу жалга, хуурай сайр, ус хальдаг эрэг, татамд барихгүй байхыг анхаарууллаа.