Италийн Ерөнхий сайд даваа гарагийг орой өмнө зарим мужид тогтоогоод байсан хөл хорио, хөдөлгөөнийг хязгаарлах горимыг улс даяар мөрдөх шийдвэр гаргасан гэдгийг “Euronews” мэдээлсэн байна. Учир нь, сүүлийн ганц хоногийн дотор коронавирусийн улмаас 97 хүн нэмж нас барсан, халдвар авсан хүний тоо мянга гаруйгаар нэмэгдэн 7400 хүрснээр халдварласан ба нас барсан хүний тоогоор Хятадын дараа хоёрдугаарт орох болсон байна.
Байдал ийм ноцтой болсон тул Италийн эрх баригчид өвчнийг тархалтыг зогсоох хамгийн хатуу чанд арга хэмжээг авч байна. Тухайлбал, халуурсан хүмүүсийг гэрээс гарахгүй байхыг зөвлөсөн, өөрийгөө тусгаарлах зөвлөмж өгсөөр байтал гадуур гарсан хүнд эрүүгийн хариуцлага тооцож байхаар болов.
Ер нь л тусгаарлах горим, хөл хориог зөрчсөн хүн бүрийг үг дуугүй шоронд хорихоор болж байна. Харин зарим шоронд хоригдлуудыг ар гэртэй нь уулзуулахгүй байна гэж бослого үймээн гарсан байна. Хамгийн сүүлд гэхэд Моден дэх шоронд хоригдлуудын дунд үймээн дэгдсэний улмаас 6 хоригдол амиа алджээ.
Сэтгэгдэл (0)
Сэтгэгдэл бичигдээгүй байна