Дэлхийн 216 оронд 4 сая 856 мянган хүн халдварлаад байна. Мөн 1.9 сая хүн бүрэн эдгэрч эмнэлгээс гарсан байна. ОХУ-д сүүлийн 24 цагийн дотор халдварын тохиолдол 8900-р нэмэгдлээ.
Цэргийн төв эмнэлэгт биеийн байдал нь маш хүнд гурван хүн, мөн тархины хавдартай нэг хүүхдийн бие маш хүнд байгаа. Гэхдээ тэднээс коронавирус илрээгүй.
Өнөөдөр Энэтхэгээс 158 иргэн ирсэн. Тэдний дунд элэг шилжүүлэн суулгасан, донор болсон зэрэг оноштой иргэд ирсэн байгаа. Тэдний шинжилгээг хийж эхэлсэн, маргаашаас хариу нь ээлжээр гарна.
Гэрийн тусгаарлалтад нийт 3138 иргэн нийслэлд байсны өнөөдрийн байдлаар 95 иргэн байна. Бусад нь тусгаарлалтаас гарсан. Өнөөдрийн байдлаар тусгаарлах ажиглалтад 186 эмч сувилагч үйлчлүүлэгчтэйгээ хамт тусгаарлагдан эмнэлгийн тусламж үзүүлж байгааг ЭМЯ-наас мэдээллээ.
ХӨСҮТ-ийн дарга Д.Нямхүү: 2020.05.18-нд ХӨСҮТ-ийн хоёр лаборатори, ЗӨСҮТ, Дархан дахь лабораториудад 367 шинжилгээ хийсний хариу бүгд сөрөг гарсан.
Алтанбулагийн боомтоор ирсэн 27 жолоочид шинжилгээ хийсэн. Бүгд сөрөг гарсан. Өнөөдөр ХӨСҮТ-өөс хоёр хүн эмчлэгдэн эмнэлгээс гарч байна.
ТЕГ-ын хамт олноос ХӨСҮТ-ийн хамт олонд оношлуур хандивлажээ.