Францын Засгийн газар нь корона вирусийн тархалтын хоёр дах давлагаа эхлэх эрсдэл өндөр гэж үзээд үйлдвэр, компаниудыг амны хаалтын бий болгохыг зөвлөж байна. Францын Эрүүл мэндийн сайдаас үйлдвэр, компанийн эздэд явуулсан захидалд энэ тухай анхааруулжээ. Захидалд дурдсанаар цар тахлын шинэ дэгдэлтэд бэлэн байхын тулд компаниуд нь ажилтнууддаа зориулсан амны хаалтын 10 хоногийн нөөцтэй байх хэрэгтэй гэж үзжээ. Компаниуд үйл ажиллагаагаа тасалдуулахгүйн байх үүднээс ажилтнуудаа хамгаалалтын шаардлагатай зүйлсээр хангах ёстой гэсэн байна.
Францын Ерөнхийлөгчийн дэргэдэх корона вирусийн талаарх шинжлэх ухааны зөвлөлөөс корона вирусийн халдварын хоёр дахь давлагаа 2020 оны намар Францыг нөмөрч магадгүй байгаа аж. Иймд долоодугаар сарын 20-оос эхлэн Франц улс даяар дэлгүүр, төр захиргааны байгууллага, банк, компанийн байр зэрэг олон нийтийн газар амны хаалт заавал зүүж байх шийдвэр гаргасан. Шийдвэрийг зөрчсөн тохиолдолд 135 еврогийн торгууль ногдуулах аж.
Францад корона вирусийн 180 мянга гаруй тохиолдол бүртгэгдэж, 30 мянга гаруй хүн вирусийн халдварыг даалгүй нас барсан.
Сэтгэгдэл (0)
Сэтгэгдэл бичигдээгүй байна