Л.Оюун-Эрдэнэ: Би тагнуулж, чагнуулж байгаагаа жилийн өмнө мэдсэн

Засгийн хэрэг эрхлэх газрын дарга Л.Оюун-Эрдэнийг тагнаж чагнасан гэх хэргийг хуулийн байгууллага шалгаж эхэлсэн. Л.Оюун-Эрдэнэ сайд өөрөө энэ асуудлаараа УИХ-ын Тусгай хяналтын дэд хороонд хандаад байгаа юм. Гэхдээ шалгаж байгаа учраас дэлгэрэнгүй мэдээлэл өгөх боломжгүй гэв.

Түүнийг тагнаж, чагнах асуудал удаан хугацаанд үргэлжилсэн тэрбээр өөрөө хэлсэн. Гэхдээ нөхцөл байдал тохиромжгүй байсан учраас жил гаруй хугацаанд баримт цуглуулсны эцэст хуулийн байгууллагад хандсан гэв.
Тагнуулын ерөнхий газрын дарга, генерал Д.Гэрэл хоёр хоногийн өмнө ажлаасаа чөлөөлөгдсөн.
Гэхдээ өөрийн хүсэлтээр гэдэг тайлбартай. Хэдий өөрийн хүсэлтээр гэж байгаа ч бодит байдал дээр Засгийн газрын хэрэг эрхлэх газрын даргыг тагнасан асуудалтай холбоотой гэх хардлага бий. Мөн Тагнуулын ерөнхий газрын дараагийн даргыг УИХ-ын гишүүн асан Ж.Энхбаяр байх магадлалтай гэх мэдээлэл улс төрийн хүрээнд яригдаж байна.