Хуульч Дэмбэрэлцэрэнгийн Мөнх-Эрдэнэ нийслэлийн ИТХ-ын сонгуульд Сүхбаатар дүүргийн 15-р тойрогт нэр дэвшихээ илэрхийлж, сонгуулийн хороонд бүртгүүллээ. Тэрээр 2016-2018 онд Улаанбаатар хотод 129 байршилд явган хүний болон авто зам хаасан, орц гарц, хаалт, хашаа, бусад төрлийн объектыг чөлөөлөх ажлыг хотын иргэдийн оролцоо, дэмжлэгтэйгээр зохион байгуулж, удирдсан юм. Мөн нийслэлд хууль бусаар олгосон болон эрхийн зөрчил бүхий 80 гаруй га газрыг нийтийн эзэмшилд шилжүүлж, бичил цэцэрлэг, хөлбөмбөгийн болон тоглоомын талбай барьж, байгуулах ажлыг нөхдийн хамт эхлүүлсэн нь амжилттай хэрэгжиж, одоо ч үргэлжилж байна. Тухайлбал, Баянзүрх дүүргийн IV хороо, Хил хамгаалах ерөнхий газрын баруун талд байрлах 1.8 га, мөн Дипломат-95 байрны баруун талын газрын эзэмших эрхийг хүчингүй болгож, цэцэрлэгт хүрээлэн, стандартад нийцсэн хөлбөмбөгийн талбай байгуулсан. Мөн Улаанбаатар хотын агаар, хөрсний бохирдлыг бууруулах ажлын хүрээнд 2017-2018 онд Д.Мөнх-Эрдэнийн санаачилгаар гэр хороололд оршин сууж байсан 130 гаруй иргэн орон сууцтай болсон байна. Төрийн албаны шат шатанд ажилласан туршлагатай, хийсэн ажил, хэлсэн үгэндээ эзэн нь байж чадах хуульч залуугийн ажилд нь амжилт хүсье.
Сэтгэгдэл (0)
Сэтгэгдэл бичигдээгүй байна