2020/10/28
USD 2,811

​Капитал банкны “капитал”-ыг залгигчдыг шүүх цаг ирлээ!

О.Шүрэнцэцэг
2020/09/11

Нэр бүхий арилжааны банкууд Монголбанкийг Захиргааны хэргийн шүүхэд өгч эхэллээ.

Капитал банкны хувьцаа эзэмшигчид Монголбанкийг Захиргааны хэргийн анхан шатны шүүхэд өгсөн. Капитал банкнаас гадна Чингис хаан банк хууль бусаар 100 сая төгрөгөөр торгууль тавьсан гэж, Хадгаламж банк хэвийн байхад дампууруулсан гэж, Ариг банк өөрийн байгууллагын дотоод хэрэгт хэт оролцлоо гэхчлэн тус тусын үндэслэлээр Монголбанкийг шүүхэд өгөөд байгаа юм билээ. 

Төрийн өмчийн болон хувийн хэвшлийн 16 үйлдвэр, аж ахуйн байгууллагын хөрөнгө оруулалттайгаар 1990 оны 9 дүгээр сарын 15-нд анх байгуулагдаж “Үйлдвэрийн хувь нийлүүлсэн банк” нэртэйгээр арилжааны банкны анхны зөвшөөрлийг авч байсан, хожим нь“Шинэчлэл”, “Капитал” нэрээр өөрчлөгдөөд байсан Капитал банк 2019 оны дөрөвдүгээр сарын 8-нд татан буугдсан. Татан буугдсанаас хойш 2020 оны зургадугаар сарын 30-ныг хүртэлх нэг жил хоёр сар орчмын тайлант хугацаанд нийт 377 харилцагчдаас нэг нь ч зээлээ төлөөгүй байна. Одоогоор эрх хүлээн авагчийн зүгээс зээлүүдийг өөр банк руу шилжүүлээгүй. Харин хадгаламж эзэмшигчдээс ангиллын дагуу өөр банк руу шилжүүлсэн тохиолдол бий. Тухайн үеийн Монголбанкны ерөнхийлөгч Н.Баяртсайхан энэ талаар 2019 онд хоёр удаа ярилцлага өгсөн байдаг. Нэг нь УИХ-ын чуулганы танхимд, нөгөө нь ETV телевизээр ярьсан. Тэр хоёр ярилцлагад хоёр тооны зөрүү гардаг. Эхнийхэд нь “Өөрийн хөрөнгийн дутагдалтай долоон банк байна” гэсэн, дараагийн ярилцлагад энэ тоо нэгээр хасагдаж “зургаан банк өөрийн хөрөнгийн дутагдалтай” гэж ярьсан байдаг.

Энэ хооронд нэг банк нуусан уу гэх хардлага төрж байна. Тухайн банкуудаас нэг л банкийг ил нэрлэсэн нь Капитал банк. Тодруулбал, эхлээд “511 тэрбум төгрөгийн өөрийн хөрөнгийн дутагдалтай, үүнийгээ нөхөх зургаан сарын хугацаатай үүрэг өгсөн” гэж ярьсан. Зургаан сарын дараа “Банкууд 460 тэрбум төгрөгийн дүнтэй өөрийн хөрөнгийн дутагдлаа нөхсөн. Нэг банк өөрийн хөрөнгөө нөхөж чадаагүй. Тэр нь Капитал банк” гэж ярьсан. Тэгэхээр Монголбанкны ерөнхийлөгч асан Н.Баяртсайханы ярианаас Капитал банк 50 тэрбум төгрөгийн өөрийн хөрөнгийн дутагдлаа нөхөж чадаагүй учраас асуудалд орсон” гэж ойлгогдож байгаа юм. Олон нийт ч тэгж ойлгосон байх. Гэтэл Капитал банк хүндэрсэн талаарх албан ёсны дүгнэлтэд өөрийн хөрөнгийн дутагдлын хэмжээ нь 50 тэрбум биш 245 тэрбум төгрөг гэж бичсэн байдаг. Яагаад 50 тэрбум төгрөгийн дутагдал 245 тэрбум төгрөг болтлоо өсөв гэдгийг хэн ч ярьдаггүй.

Бас нэг асуудал. Хөгжлийн банк Үнэ тогтворжуулах хөтөлбөрийн хүрээндзээл олгож Капитал банк дамжуулан зээлдэгчийн үүрэг гүйцэтгэсэн. Гэтэл Хөгжлийн банк тэр мөнгөө 2015 оны зургадугаар сараас 12 дугаар сарын хооронд үе шатлалтайгаар татаад авчихсан. Уг нь гэрээнд заасан хугацаа нь болоогүй байхад Хөгжлийн банк байгуулсан гэрээнээсээ өмнө, Монголбанкны даалгавраар Капитал банкинд зээлүүлсэн бүх мөнгөө татаад авчихсан. Энэ нь банкинд хүндрэл учрахад нөлөөлөөгүй гэх аргагүй юм. Үүнийг ХЗДХ-ийн сайд асан Ц.Нямдорж ч тухайн үед Эрдэнэтийн 49 хувьтай холбон ярьж байсан билээ. Тэнд дурдагддаг 400 сая ам.доллар гэгчийн 73 хувийг нь Төр буюу Засгийн газар, Монголбанк, Хөгжлийн банк нийлж гаргасан, үлдсэнийг нь ХХБ гаргасан гэдэг. Энэ 73 хувь дотор арилжааны бусад банкуудын активыг хүчээр татаж аваад туйлдуулчихсан юм биш биз гэсэн хардлага төрдөг. Эсвэл цаг хугацааны давхцал тэгж таарсан тохиолдол байсан уу? 

Ямар ч байсан үүнээс болж Капитал банк төлбөр түргэн гүйцэтгэх чадварын алдагдалд орсон нь ойлгомжтой. Хамгийн хоржоонтой нь Монголбанк өөрөө Капитал банкийг өөрийн хөрөнгийн дутагдалтай гэдэг мэдээллийг тараасан явдал. Энэчлэн зөвхөн Монголбанкнаас болж Капитал банк дампуураагүй, өөр олон шалтгаан байсан боловч Монголбанк төрийн өмнө, олон нийтийн өмнө хүлээсэн үүргийнхээ дагуу банкны салбарыг эрүүл байлгахын төлөө чадах бүхнээ хийсэн үү, эсвэл асуудлыг нь нэмж, нэрвэгдэхэд нь дэм болсон уу гэдэг талаар эргэлзээ төрдөг юм. 

2015 оны 11 дүгээр сард Капитал банкны зээл гаргах эрхийг хаасан байдаг. Ингэхдээ нийт зээл дотроо бага хувийг эзэлдэг тэтгэвэр барьцаалсан зээл болон хадгаламж барьцаалсан зээлийг үлдээгээд бусад зээл гаргах эрхийг хязгаарласан. Аливаа банкны нийт орлогын эх үүсвэрийн 80 хувь нь зээлийн хүүний орлого байдаг тул Капитал банкны орлого, ашиг хаагдсан. Зээлийн хүүнийхээ орлогоос хадгаламжийн хүүг төлөх ёстой, дээр нь тэндээс бусад зардлаа олдог байгууллагын хувьд энэ бол том цохилт байсан. Дээр нь Монголбанк дахь Капитал банкны данснаас 6 сарын хугацаанд, 3 удаагийн татан авалтаар нийт 133 тэрбум төгрөгийг зээлдэгчдийн өмнөөс татаад авчихсан. Төсөөлж байна уу? Төлөвлөгдөөгүй энэ бүх эсрэг реакцын эсрэг арилжааны жижиг банк юу хийж чадах вэ? Үүнийг баримтаар харуулах гэхээр хуулиар нууцад хамааруулж хамгаалсан болохоор боломжгүй. 

2016 оны Монголбанкны ээлжит шалгалтаар Капитал банкийг хэвийн гэж дүгнэсэн. 2017 онд ОУВС-тай өргөтгөсөн хөтөлбөр хэрэгжүүлэхэд Чехийн PWC компани үнэлгээ хийсэн. Тэр үнэлгээгээр Капитал банк нийт 48 тэрбум төгрөгийн өөрийн хөрөнгийн дутагдалтай гэж дүгнэгдсэн нь Н.Баяртсайхан ерөнхийлөгчийн ярьж байсан 50 тэрбумтай дөхөж байгаа юм. Гэтэл 2018 онд дахин шалгалт оруулаад “Энэ бол 48 тэрбум биш 245 тэрбум төгрөгийн дутагдалтай байна гэсэн дүгнэлт гаргасан байдаг. 

Төрийн мөнгө аль нэг банкаар дамжаад жишээ нь 2006 онд Зам хөгжүүлэх сан гэж байсан. Зам хөгжүүлэх сан Анод банктай гэрээтэй, тэр гэрээгээр тус сангийн зээлийг замын компаниудад олгох зээлийг тус банкаар дамжуулан олгодог байв. Энэ нь Анод банкны нийт зээлийн 23-41 орчим хувь нь байсан гэдэг. Монгол газар компани том хувийг эзэлсэн ч дийлэнх нь замын компаниудын зээл байсан. Дараа нь Анод банк дампуурсан. Зам хөгжүүлэх сангийн мөнгө хэрхсэн талаар хэн ч ярьдаггүй. Тус сангаас зээл авсан Б.Гарамгайбаатар, Д.Дамба-Очир нарын оролцоо Анод банкийг дампуурахад ямар оролцоотой байсныг мартахыг, мартуулахыг хүссэн. Лүнгийн замыг барих хөрөнгө гэж гарсан ч тэр замын асуудал одоо ч дуусаагүй. Хэн хохирч үлдэв? Анод банкны дампууралтай холбоотой, “Иточу” корпорацид төлөх өрийн асуудал мөн л эцэслэгдээгүй. Энэ байдал өнөөдөр ч үргэлжилсээр байна. Тухайлбал, Капитал банкны дампууралд ЖДҮХС, НДС, ЭМДСзэрэг сангуудын зээл жин дарж л байгаа билээ. 

Монголбанкин дотор улстөрчдийн захиалгаар томилогдож ажиллаж, аль сангийн зээлийн мөнгө ямар банкинд хэдэн хувийг эзэлж байгаа талаарх мэдээллээр хангадаг, улмаар хамгийн хүндрэлтэй байгаа банкинд тухайн сангийн зээлийг улстөрчдийн хамаарал, нөлөөлөл бүхий буюу “мэдээлэлд ойр” компаниудад ахиухан хэмжээгээр олгуулж нэлээд шавхагдаад ирэнгүүт нь хүчээр дампууруулаад өнөөх зээлүүдийг нь төр хариуцдаг парадокс ажиглагдаад удаж байна. 

Мөн Капитал банк дампуурсан. Үүнийг одоо хэн ч үгүйсгэж, цаг хугацааг буцааж, хэн нэгнийг өмөөрөх аргагүй, холбогдох хүмүүс ял аваад, хохирох нь хохироод, төр гэгээнтний дүр үзүүлж цэвэрхэн сугарч үлддэг нь тогтсон схем болж үлдсэн. Хамгийн гол нь дараагийн банк аль бол, яах бол гэдэг айдас хүйдэс нөмөрсөн. Харин банкнаас, тухайлбал жишээ нь Капитал банкнаас хурааж авсан эд хөрөнгийг төр, улстөрчид ямар замаар өөрийн болгодог вэ? Хоёр тэрбум төгрөгийн барилгыг 400 сая төгрөгөөр дуудлага худалдаа нэрийн дор нэгэндээ аваад өгчихсөн түүхийг санаж байна уу. Анод банкны, Хадгаламж банкны байр, эд хогшил, захирлуудынх нь нэр дээрх хураагдсан өмчүүд хаана, хэнд очив? Энэ бүхэнд хэн хяналт тавьж байна вэ? Дараагийн банкуудад энэ bully ирвэл яах вэ? 

Одоо Захиргааны хэрэг шүүхэд хянан шийдвэрлэх тухай хуульд нэмэлт өөрчлөлт оруулах тухай хуулийн төслийг анхааралтай ажиглацгаая!

 Эндээс “Засгийн газар, Монголбанкнаас гаргасан шийдвэртэй холбоотой Захиргааны ерөнхий хуулийн 106 дугаар зүйлийн 106.3.1 дэх заалтын “Захиргааны акт, захиргааны гэрээ” гэсний өмнө Засгийн газар болон Монголбанкнаас гаргасан захиргааны акт, захиргааны гэрээ хууль бус болохыг тогтоох, бусад захиргааны байгууллагаас гаргасан гэж, мөн зүйлийн 106.3.8 дахь заалтын“захиргааны хэм хэмжээний акт”гэсний өмнө Засгийн газар болон Монголбанкнаас баталсан захиргааны хэм хэмжээний акт хууль бус болохыг тогтоож, бусад захиргааны байгууллагаас гаргасан гэж тус тус нэмсүгэй гэсэн байгаа юм. Тийм ч учраас цаг хугацааны хувьд Капитал банкинд холбогдох хэргийн үеэр Банкны тухай хуулийн 75 дугаар зүйлийг шинээр нэмсэн байдаг. Энэ хуулийн төсөл батлагдчихвал Монголбанкны гаргасан шийдвэр шүүхийн өмнө буруутахгүй, “дархлагдах” бололтой юм. 

Холбоотой линкүүд: https://mail.google.com/mail/u/0/?tab=rm&ogbl#inbox/WhctKJVzfPhHvChNSpckfDJtDrZpFnVBzvlWLDNTJfXTzNPGBrqxfrjBDrQLtnDMBMszDSq?projector=1

https://mail.google.com/mail/u/0/?tab=rm&ogbl#inbox/WhctKJVzfPhHvChNSpckfDJtDrZpFnVBzvlWLDNTJfXTzNPGBrqxfrjBDrQLtnDMBMszDSq?projector=1https://mail.google.com/mail/u/0/?tab=rm&ogbl#inbox/WhctKJVzfPhHvChNSpckfDJtDrZpFnVBzvlWLDNTJfXTzNPGBrqxfrjBDrQLtnDMBMszDSq?projector=1

                                                                                                                                      /Үргэлжлэл бий/

Эх сурвалж: Baabar.mn У.Оргилмаа


Сэтгэгдэл (53)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.161.85 |   2020/09/12
Mongol bank zovhun Hudaldaa Hugjil, Xaan, Golomt bankuudiig l demjleg (ted ardaa tom uls turiin hamgaalalttai) busad bankuudiig demjih ni baitugai daramtalj bainga torguuli tavij shahaj booj zah zeeld tegsh ursulduund oroltsoh usuj devshih yamarch bolomjgui bolgodog shuu dee. Mongol bankind dandaa bur dandaa bugd darga nariin huuhduud yumuu hamaatnuud ajilladag. Bur bugd shuu. Kapitaliig sanaatai dampuuruulsan
Хариулах
192.82.78.37 |   2020/09/11
Яг тийм, Золжаргалаас эхтэй хавчиж хааж эхэлсэн дээ
Хариулах
192.82.78.37 |   2020/09/11
Капитал банкийг харлуулах мэдээллийг эртнээс сэтгүүлчдийг хөлсөлж хийсэн, бусад эдийн засаг санхүүгийн ямарч мэдлэггүй сэтгүүлчид зөвхөн нэг талыг барьж шуурцгаасан даа. Хүний насаараа зүтгэж олсон хөрөнгийг булаадаг болсон тогтолцооны нэг жишээ. Үнэн хэзээ ялах бол?
Хариулах
157.230.92.198 |   2020/09/11
Hedhen site page-uud l ene talaar medeelleed baih ym busad ni yasan bee??
Хариулах
37.139.18.226 |   2020/09/11
Хэвлэл мэдээлэл сонин сэтгүүлүүд яагаад энэ үнэнг бичихгүй байгаа вэ? Яагаад вэ гэвэл эд бүгд авлигын системд оржээ.
Хариулах
64.225.106.247 |   2020/09/11
!!! Дампууруулчаад тэгснээ хамаг бурууг дампуурсан банкинд тохдог МБ үнэхээр хүчтэй юмаа. Гэхдээ ард түмний хүчийг та нар басах хэрэггүй шүү. Шударга ёс үнэн хэзээ д ялна.
Хариулах
68.183.228.227 |   2020/09/11
Энэ монгол банкны захирал байсан Баяртсайхан гэж нөхөр л битүү мөнгө идсэн байхдаа, бас тэр Золжаргал!!!
Хариулах
176.31.227.198 |   2020/09/11
Ганцхан Монголд л байдаг энэ мөнгө угаах технологийг яаж устгах вэ
Хариулах
68.235.60.221 |   2020/09/11
МУ-н "Үндсэн хуулийн 49.2т Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй" гэж заасан байдаг. Одоо л харий
Хариулах
150.129.141.138 |   2020/09/11
мэдэхгүй юмаа мэддэг юм шиг ярихаа болио
Хариулах
68.235.60.221 |   2020/09/11
Монгол ардын намынхан сонгуулийн мөнгөө бэлдэхийн тулд мөнгө угааж, Монгол банкаар шахалт үзүүлэн капитал банкыг дампууруулсан.
Хариулах
217.182.175.122 |   2020/09/11
Монгол улсын ядууралын түвшин ямар байгаа билээ. Энэ монгол банк яаж ажлаа хийгээд байгаа юм бэ??
Хариулах
51.91.247.50 |   2020/09/11
Монгол банкнаас татвар төлөгчдийн мөнгөнөөс санхүүжилт гарган жолоочдоо хүртэл оффис нэрээр байр авч өгсөн байна лээ.Бас л хэр баргийн жолоочид олдохгүй оффис нэртэй тансаг орон сууц гэсээн.
Хариулах
217.182.175.74 |   2020/09/11
Хуулийн байгууллага сайн мөрдөн шалгах ажиллагаа явуулж, нотлох баримт хангалттай цуглуулсан байх. Энэ шүүх хурлаас л Хараат бус шударга Монгол улсын шүүх хуулийн тогтолцоог харах нь
Хариулах
68.235.61.86 |   2020/09/11
...
Хариулах
159.89.121.171 |   2020/09/11
Ajlaa hiigeed muruu amidarch baigaa irgediig buhimduulsan medee medeelel shiidveruud dandaa garch baih ym.
Хариулах
68.235.61.86 |   2020/09/11
...
Хариулах
68.235.60.213 |   2020/09/11
er ni dampuurah gej bgaa bankind tuluulugch bolj ochno gedeg ni ter banknii buh hurngiig ooriin duraar uren taran hiine gsen ug l de. Tiim bolohoor ali neg bankruu tuluulugchuur ochih gej bas mpngol bankndaa naaduul chn dargadaa urgul barits barina. oorsdiinhoo humuusiig bvrdvvlne geed ajiltaiii2
Хариулах
192.241.253.164 |   2020/09/11
Энэ банкнуудын зээлийн барьцаанд тавигдсан хөрөнгө, компаны хураагдсан их үнэ бүхий эд бүхий хөрөнгө хаашаа алга болвоо.
Хариулах
68.235.60.198 |   2020/09/11
Хоёр тэрбум төгрөгийн барилгыг 400 сая төгрөгөөр дуудлага худалдаа нэрийн дор нэгэндээ аваад өгчихсөн гэдэг нь Монгол банкнаас томлигдсон төлөөлөгч тухайн банкны барьцаанд байгаа хөрөнгийг зах зээлийн үнээс доогуур борлуулж ашиг олж байна гэсэн үг юм уу
Хариулах
165.22.115.43 |   2020/09/11
Mongol bankaas uurt ashigtai huuliin zaaltiig oruulj bankuudiig dampuuruulaad bnshde
Хариулах
178.128.45.74 |   2020/09/11
Монгол банк арилжааны банкуудаа дэмжих биш боон шахаж байгаагаас болж нэг талыг барьсан монополчлол үүсэх нь ээ!!
Хариулах
167.114.175.21 |   2020/09/11
temtsyoo
Хариулах
157.245.141.235 |   2020/09/11
Yr ni haraad bhd tetgever tetgemj taraadag bankuud dampuuraad baigaa shuu. Ene baidlaar bgaad bval ene munguur l ami amidralaa zogoodog humuus yah yumbe?
Хариулах
68.235.61.86 |   2020/09/11
Зөв дөө! Ингэж ард түмэнд мэдээллийг ил тодорхой хүргэж байх хэрэгтэй. тэгвэл бид ч дуугаа нэгтгэж хүргэж чадна. Энэ 76 биднийг элэглэсээр байгаад бүүр хонь шиг болгочихсон.
Хариулах
217.182.175.75 |   2020/09/11
odoo yund n buhimdhaw dee, hariutslaga tootsohod l bolno shuu dee, taiwan2 :))
Хариулах
198.50.155.77 |   2020/09/11
hvmvvsee bas nuguuteigvvp 2 talaas ni hapah hepegtei shvv. dampuupsan banknii udipdlaguud todophoi hemjeend vvnd opoltsson l baigaadaa
Хариулах
201.131.125.180 |   2020/09/11
Alivaa ulsiin tuv banknii undsen zarchim bol uls turuus haraat bus baih yvdal bdg. Erh barigchid mongol banknii uil ajillagaand oroltsood ireheeree l avilga, heel hahuuli gazar avdag tuuh olon bii. Manai tuv bank yg l ter zamaar yvaad bna daa. Yaana daa.
Хариулах
54.39.133.107 |   2020/09/11
mongo ideh mongo ugaah arga ni buur nariistsan hulgaichuudiig bugdiig ni shorond hataah yemsan
Хариулах
178.62.62.124 |   2020/09/11
Монгол банкны хэдэн зуун тербумаар хэмжигдэх алдагдлыг татвар төлөгч бид нар л төлдөг шүү дээ. Монгол банк гэхэд арай дэндүү арчаагүй, шаардлага хангахгүй ажиллаж байна. Энэ бүгд ямарваа нэгэн байдлаар банкуудын дампууралтай холбоотой байж болох уу?
Хариулах
178.62.84.215 |   2020/09/11
Энэ чинь монгол банкны БАНК ДАМПУУРУУЛДАГ МОНГОЛ ТЕХНОЛОГИ шүү дээ
Хариулах
68.235.60.237 |   2020/09/11
boliyooo ene manai ulsiin ih hural ch gej, ulsiin tuv bank ni ch gej. arai denduu yum. teneg hun ch harsan oilgohoor bna. zugeer dampuursan ner tohoj hucheer dampuuruulsan bankindaa hamag buruugaa tohjiin. yaltchgui erh medeltnuud ni olon bas huchtei baina. huurhii bankuud ner hundee sergeegeesei!!!!!!!! !!
Хариулах
161.35.46.250 |   2020/09/11
Монгол банкыг ямар байгууллага хянадаг билээ? УИХ шүү дээ. Тэгэхээр бүх юм ойлгомжтой.
Хариулах
192.241.172.133 |   2020/09/11
Монгол банкны ажилчид банк санхүүгийн салбарын байгууллагуудад нууц дарамт үүсгэж давхар цалин авдаг гэсэн. Тэр бараг үнэн байх даа. Тэр нь энэ ажилчдынх нь энэ их тансаглалыг тайлбарлах тайлбар болох байх.
Хариулах
68.235.60.237 |   2020/09/11
minii medehiin bank orlogiihoo 70-80 huviig zeeliin huunees oldog iim baihad shuud zeel gargah erhiig ni haasan ni sanaatai dampuuruulsan l gej oilgogdjiin
Хариулах
45.114.116.123 |   2020/09/11
Гаршсан хулгайчид энэ луйвраа 30 жил хийж байна даа
Хариулах
68.235.60.205 |   2020/09/11
arai ch deee, mongol ulsiin tuv bank baij ediin zasgiin hugjluu nemegdvvleh gol zorilgodoo hvrgehiin orond busad bankaa zalgij hoollohoosoo ichdeggui ym uu??
Хариулах
178.62.118.65 |   2020/09/11
Банкны дотоод асуудал нууцад орох мэдээллийг Монгол банкнаас задалсан байна. Энэ чинь зүгээр л буу тулгаж байгаагаас ялгаагүй зүйл
Хариулах
202.126.88.68 |   2020/09/11
tiishdee tuhain uyiin tsag uy n erdenetiin 49% awahtai taarch baisan gedeg
Хариулах
68.183.148.95 |   2020/09/11
Монгол банкнаас явуулж байгаа үйл ажиллагаанд банк санхүүгийн байгууллагын өрсөлдөх чадварыг дэмжих ямар ч зорилго алга. Арай л даам гарчихсан байгууллага байна.
Хариулах
68.235.60.221 |   2020/09/11
AQR unelgeegeer Capital dooguur unelgeend oroogui bsan shvv!! ene mongolbank ymar dawarchihsan baiguullaga we?!
Хариулах
68.183.148.95 |   2020/09/11
Ugaasaa ter genet tataj avsan mungu ni 49% tai l holbootoi baigaa. Ard tumnii munguur ard tumnii ed hurungiig hudaldaad avchihsan bnshde!!
Хариулах
68.183.155.47 |   2020/09/11
Ard tumnii sanhuugiin chadvar yaj dooshilj bgaa bilee dee. Mongol bank yaj ajillaad baigaa yumbe?
Хариулах
68.235.61.38 |   2020/09/11
zeeltei humuus n zeelee tuluh yostoi baital guriigeed baisan gjin, tgeheer oilgomjtoi tom tolgoitoi, erh medeltnuud l niilj luibar hiisen baina !!!, hariutslaga tootsoh heregtei !!!!!
Хариулах
178.62.62.124 |   2020/09/11
Capitaliin zeeliin baritsaa ih bolohoor shunasan biz.
Хариулах
68.183.145.118 |   2020/09/11
Niit 23n bank dampuursan. Ter bolgonii ard bas Mongol bank baigaa yum bishuu tegvel.
Хариулах
54.39.48.111 |   2020/09/11
ali ertnees l mergejliin medleg ur chadvargui, yos zuigui, dandaa neg ger bvliin huviin ashig sonirholdoo hutlugdsum humuus baidag baisan shdee, iim zuil boloh n oilgomjtoi baisan
Хариулах
107.172.112.34 |   2020/09/11
ene mongol bank chin ter chigeeree hahuulid avtchihsan gazar yum bish uu? Haana muu yum yavna tend l mongol banknii ner yvj bh yumda
Хариулах
37.139.19.228 |   2020/09/11
2018 онд дахин шалгалтаар 48 тэрбум биш 245 тэрбум төгрөгийн дутагдалтай байна гэсэн дүгнэлтээр энэ их мөнгөний зөрүү яагаад гарав?
Хариулах
217.182.175.74 |   2020/09/11
2015 онд хэвийн үйл ажиллагаатай байсан банкны зээл гаргах эрх буюу гол орлогын эх үүсвэрийг нь яагаад хаасан юм бол гэж тухайн үедээ гайхаад л өнгөрч байлаа, ийм л учиртай байж дээ.
Хариулах
217.182.175.63 |   2020/09/11
yagaad ene medeelel dunguj odoo l hewlel medeelleer ywj ehelj bgn boloo? :/
Хариулах
145.239.165.168 |   2020/09/11
bank dampuurdaggvi, bankig dampuuruuldag gdg dee
Хариулах
202.126.89.67 |   2020/09/11
энэ
Хариулах