Цаг агаарын урьдчилсан мэдээллийн талаар ЦУОШГ-ын цаг уурч Э.Мөнх-Эрдэнээс тодрууллаа.
-Ойрын өдрүүдийн цаг агаарын төлөв байдал ямар байх вэ?
-Өнөөдрийн 20 цаг хүртэл нутгийн баруун хагаст үүлшинэ, бусад нутгаар багавтар үүлтэй. Шөнөдөө баруун аймгуудын нутгийн хойд хэсгээр бороо, нойтон цас, төвийн аймгуудын ихэнх нутгаар бороо, өдөртөө баруун аймгуудын ихэнх нутаг,төвийн аймгуудын нутгийн баруун болон хойд хэсгээр бороо, уулархаг нутгаар нойтон цас орно. Салхи шуургатай байх учраас малчид, иргэд, тариаланчдад онцгой анхааруулж байна.
-Ирэх өдрүүдэд хэрхэн өөрчлөгдөх бол?
-Маргааш баруун аймгуудын зүүн хэсэг, төвийн аймгуудын ихэнх нутаг, говь болон зүүн аймгуудын нутгийн зарим газраар, 13-нд төвийн аймгуудын нутгийн хойд хэсэг, зүүн аймгуулын нутгийн зарим газраар, 14-15-нд төв болон зүүн аймгуудын нутгийн зарим газар, говийн аймгуудын нутгийн хойд хэсгээр бороо, нойтон цас орно.
-Салхины хүч хэдэн метр секундэд хүрэх вэ?
-Салхи 12-нд нутгийн зарим газраар түр зуур секундэд 16-18 метр, 13-15 нд говь тал хээрийн нутгаар секундэд 14-16 метр хүрч ширүүснэ. 12-нд нутгийн төв хэсгээр, цаашдаа ихэнх нутгаар сэрүүсэж, Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчмоор шөнөдөө 4-9 градус хүйтэн, өдөртөө 4-9 градус говийн бүсийн нутгийн өмнөд хэсгээр 7-12 градус, өдөртөө 17-22 градус дулаан, бусад нутгаар шөнөдөө 2 градус хүйтэн хүйтнээс 3 градус дулаан, өдөртөө 10-15 градус дулаан байна.
-Газар тариалангийн бүс нутагт цаг уур ямар байх бол?
-13-14-нд шилжих шөнө газар тариалангийн бүс нутагт хөрсөн дээр цочир хүйтрэнэ.
Сэтгэгдэл (0)
Сэтгэгдэл бичигдээгүй байна