О.Чинзориг: Хандивын мөнгөөр сая төгрөг олгосон нь үнэн, буцаагаад төлчих боломжтой

Ковид цар тахлын хүнд цаг үед улс орноо чадах чинээгээрээ дэмжих гэж иргэд онцгой комист хандив өргөсөн. Энэ мөнгийг цар тахлаас сэргийлэх ажилд зарцуулаарай гэж өгсөн ч хотын удирдлагууд захирамж гаргаад өөрсдийгөө мөнгөн шагналаар шагнаж урамшуулсан баримтыг бид мэдээллэсэн. Ядаж энгийн албан хаагч, мэргэжилтнүүдэд ч биш. өндөр цалин орлоготой, нэг сая төгрөгийг нэг их мөнгө гэж тоодоггүй нийслэлийн том дарга нар энэ урамшууллыг авсан нь гайхмаар. Тэдний нэг болох Нийслэлийн Мэдээлэл, технологийн газрын дарга О.Чинзоригоос энэ асуудлаар ярилцлага авлаа. Тэрээр урамшуулал болгон өгсөн мөнгийг иргэдийн хандивын мөнгө гэж мэдээгүй, буцаагаад төлчих боломжтой гэж хээвнэг хариулав. Яг хэзээ энэ мөнгө дансанд орсныг санахгүй байна, би гуйж аваагүй гэх мэт хариулт өгсөнийг хүлээн авч үзнэ үү?

https://www.facebook.com/Offic...