2020/10/31
USD 2,811

Э.Батшугарыг тагнах оролдлого хийж байсныг “Wikileaks” задруулжээ

О.Шүрэнцэцэг
2020/09/28

Монгол Улсын гурав дахь Ерөнхийлөгч Н.Энхбаяр бол ХХI зууны Монголын улс төрийн хэлмэгдүүлэлтийн хамгийн том бай болж, эрх баригчдын “Овоо хараа”-нд байсаар байгааг ард түмэн мэднэ. Тэгвэл түүний хүү  Э.Батшугарыг  хүртэл тагнаж, чагнаж  байсан баримтыг “WikiLeaks”  задруулсныг  өнгөрсөн баасан гаригт www.ikon.mn  сайт мэдээлсэн юм.

“WikiLeaks”  бол Австралийн иргэн Жулиан Ассанжийн үүсгэн байгуулсан мэдээллийн  сайт юм. Энэ сайт  2006 оноос хойш   дэлхийн улс орнуудын төр, засгийн  нууц бичиг баримтуудыг дэлгэх болсноор  анхаарлын төвд орж , шуугиулж эхэлсэн билээ.

Тэдгээр баримтууд дотор  нь Монгол Улсын Засгийн газартай холбоотой мэдээллүүд ч гарах болсон.

Тэгвэл WikiLeaks-ийн  баримтыг эш болгож   www.ikon.mn сайт мэдээлэхдээ

“Монголын  эрх баригчид Италийн кибер тагнуулын Hacking Team компанийн бүтээгдэхүүнийг ашиглан хувь хүний компьютерт нууцаар нэвтэрч, мэдээлэл цуглуулдаг нь батлагдсан.  Монголын Авлигатай тэмцэх газар болон Hacking Team компанийн хооронд тагнуулын программыг ашиглахад гарч буй техникийн алдааны талаар хэдэн зуун имэйл солилцсон байдаг. Тэдгээр имэйлүүд нь хэн гэдэг хүнийг тагнаж байгаагаа нууцалж, зөвхөн “хэрэглэгчийн дугаар” (user’s no) ашиглан харилцдаг байжээ.

Харин ганцхан тохиолдолд Авлигатай Тэмцэх Газрын ажилтан санамсаргүй “batshugar” нэртэй компьютерт тагнуулын программ суулгахад ямар алдаа гарч байгаа талаар Италийн мэргэжилтнүүдэд мэдээлж, техникийн тусламж хүссэн байна. Эндээс харвал Авлигатай Тэмцэх Газар 2013 онд  Ерөнхийлөгч асан Н.Энхбаярын хүү Э.Батшугарыг тагнах оролдлого хийж байсан бололтой” гэжээ.

Дээрх мэдээллийг бүр тодруулбал, WikiLeaks-ийн ил болгосон баримтыг харвал 2013 оны долдугаар сарын 26-нд “Hacking Team” компани руу АТГ-ын и-мэйл хаяг бүхий Өлзийбадрах гэдэг хүн тусламж хүсч мэйл бичихдээ алдаа гаргасан байгаа юм. Зөвхөн хэрэглэгчийн дугаар ашиглан харилцдаг и-мэйлдээ “Batshugar.e” компьютерийг тагнахыг оролдож байгаагаа ил бичсэнийг ийнхүү WikiLeaks мэдээлсэн. 

Ерөнхийлөгч асан Н.Энхбаярыг 2012 оны дөрөвдүгээр сарын 12-ны шөнө хууль хүчний байгууллагууд тэрчигтээ хөдөлж баривчилж байв. Тэгвэл Э.Батшугарыг тагнахыг оролдсон 2013 оны долдугаар сард Н.Энхбаяр өлсгөлөн, тэмцэл дунд өрнүүлсэн шоронгийн өдрүүдийг дуусгаж байсан.  Харин Э.Батшугар тухайн үед Монголбанкны дэд ерөнхийлөгчөөр ажиллаж байсан юм.

Тэгэхээр Монголын улс төр, эдийн засгийн  бүлэглэлүүдийн зүгээс Монгол Улсын гурав дахь Ерөнхийлөгч, МАХН-ын дарга Н.Энхбаярыг хянаж цагдаад зогсохгүй, хүүг нь ч бас байнга ангуучилж  байдаг нь ийнхүү гадаад эх сурвалжаар  батлагдаж байна.

Мөн үүний цаана Монголын хууль хяналтын байгууллагууд эрх баригчдын гар хөл болж төсвийн хөрөнгөөр гадаадын компанид өндөр төлбөр төлж энэ мэт хэн нэгнийг тагнах, чагнах үйл ажиллагаа явуулаад сууж байдаг нь зүйд нийцэх үү гэсэн асуудал гарч ирж байна. Хууль хяналтын байгууллагууд одоо ч энэ арга барилаа хэрэглэсээр байгаа юу.

Эх сурвалж: “Зууны мэдээ” сонин


Сэтгэгдэл (12)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
103.212.116.134 |   2020/09/28
ATG iig Ebe baiguulsan bizdee
Хариулах
103.212.116.134 |   2020/09/28
atg gej mongoliig horloson gazar bainaa.
Хариулах
202.126.89.84 |   2020/09/28
Ийм айхтар түүлтэй бж ямар хэрэг илрүүлж чаддаггүй АТГ маш сэжигтэй бн шүү. Тагнах чагнах асуудлыг ингэж хаютгайруулах нь бүлэглэл Монголыг хянахад л хэрэгтэй, ард түмэнд ямар ч ашиггүй.
Хариулах
103.212.116.185 |   2020/09/28
Ардчилсан намын үед тагнуулж байсан бол тэр намтайгаа эвсээд явж байгаа биз дээ Н.Энхбаяр, Батшугар нар
Хариулах
94.230.208.148 |   2020/09/28
Bilguun Bicktivism Үндэсний аюулгүй байдалд мэдээллийн аюулгүй байдал хамаардаг. Төр засаг нь хамгаалж чадахгүй, хамаг мэдээллээ алдаж байгаа нөхцөлд хэн хамгаалах естой бэ? Иргэн сайн дурын үүднээс бодит факт кэйс хэлсэнийхээ төлөө 1-5 жил авч байгааг юу гэхүү? Тэгээд мэдээллээ алдаж л байг уу? Төр засаг нь хамгаалж чадахгүй байгаа зүйлийг иргэнэн хамгаалж болохгүй хорвоо юмуу?
Хариулах
103.212.116.185 |   2020/09/28
Орон нутгийн сонгууль болох гэж байна. Ард түмнээр өрөвдүүлж санал авах гэсэн МАХН-ын тактик л юм байна.
Хариулах
66.181.166.212 |   2020/09/28
Шаардлагатай болоод тагнасан биз. Прокурорын зөвшөөрөлтэй ч байсан юм уу. Улсын нууц учир бид мэдэхгүй биз. Ер нь тэгээд өндөр албан тушаалтай хүмүүс л бохир юм хийдэг биз дээ. Шалгаад айх юм үгүй бол шалгуулхад л болно биз дээ.
Хариулах
202.126.89.235 |   2020/09/28
Тагнуул, хүчний байгууллагынхан гэж дураараа галзуурсан хэд байнаа. Олж авсан мэдээллээ бусдыг дарамтлан бизнeс, эд хөрөнгийг нь булаахад ашигладаг заваан бохир хүмүүс. Хурцын үeд бүр цэцэглэсэн. Гүйцэтгэх ажиллагаанд прокурорын зөвшөөрөл аваагүй бол тэгээд л хууль бус.
Хариулах
103.57.94.181 |   2020/09/28
huuli murduuleh yostoi hunuus in huuliig hamgiin iheer zurchdug buyan yum da
Хариулах
103.26.194.200 |   2020/09/28
Uls oron tagnah hunee tagnah bho, yalanguya undur alban tushaaltnuud yu hiij bgaag medeh heregtei shu de, ene hun chin mongol banknii ded erunhiilugch hj bsan bna, mongoliin erh ashig hundugduj bna u gj anzaarah dainii yum bhdo
Хариулах
202.9.46.106 |   2020/09/28
ХУЛГАЙЧ ХУДАЛЧ ЦАХИАГИЙН ЭЛБЭГДОРЖ БУЗАР БОЛГОНЫГ ҮЙЛДСЭН. ЭНХБАЯРАА ЦААШ ХАРУУЛАХ Л САНААТАЙ БАЙСАН БАЙХ ГЭЖ ХҮМҮҮСИЙН ЯРЬДАГ ҮНЭН БОЛОЛТОЙ
Хариулах
203.91.115.48 |   2020/09/28
нэгээ сонгуулийн шоу хийхээ болио наад луварчинийчэнэ хүүхэдийг тоохоо гэдг нь энд тэнд гэр дэвших юу бна тэн батшуумар байх бно
Хариулах