ОХУ-д сүүлийн гурван өдөрт коронавирус халдварын тохиолдол дээд үзүүлэлтэд хүрчээ

ОХУ-д ням гаргийн байдлаар коронавирусний халдварын 13 мянга гаруй шинэ тохиолдол илэрсэн тухай тус улсын цар тахалтай тэмцэх шуурхай штаб мэдээллээ. "Өнгөрсөн хоногт ОХУ-ын 85 бүс нутагт коронавирусний халдварын 13634 шинэ тохиолдол бүртгэгдлээ. Үүний 3587 нь (26.3 хувь) эмнэлзүйн шинж тэмдэггүйгээр илэрсэн" гэж тус төвөөс мэдэгдсэн юм. Оросын нийслэл Москва хотод 4501 хүн шинээр халдвар авсан байна. Энэ нь тавдугаар сарын дунд үеэс хойших хамгийн өндөр үзүүлэлт юм. Сүүлийн долоо хоногт коронавирусний халдварын шинэ тохиолдол өмнөх долоо хоногоос 46 хувиар нэмэгдсэн юм. Москвад нэг хоногийн дотор 994 хүн эмнэлэгт хүргэгдсэн байна. Сүүлийн долоо хоногт эмнэлэгт хүргэгдсэн хүний тоо өмнөх долоо хоногтой харьцуулахад 12 хувиар их байна. Москвагийн эмнэлгүүдэд 275 хүнд амьсгалын аппарат залгасан байна. ОХУ-д коронавируст халдварын өвчлөл есдүгээр сараас дахин нэмэгдэж, сарын дотор шинэ тохиолдлын тоо аравдугаар сарын эхэн гэхэд өдөрт 5 мянгаас 10 мянга болсон юм. Аравдугаар сарын 5-наас 11-ний хооронд 83717 шинэ тохиолдол илэрсэн нь долоо хоногийн өмнөхөөс 31.7 хувиар их үзүүлэлт болжээ.