Анхдугаар хуралдаанаар МАН, АН бүлэг байгуулсан. МАН-ын бүлгийн даргаар Р.Дагва, АН бүлгийн даргаар Д.Пүрэвдаа нар боллоо. ХҮН НИТХ-д 3 суудал авсан тул өнөөдрийн хуралдаанаар бүлэг байгуулах боломжгүй юм. "Монгол улсын нутаг дэвсгэр түүний удирдлагын тухай хууль, УИХ-ын тухай хуулийн 10.2 дахь хэсэгт зааснаар УИХ-ын гишүүний бүрэн эрхийг УИХ хэлэлцэн шийдвэрлэх учиртай, бүрэн эрхийнхээ хугацаанд давхар ажил хийх боломжгүй" учир Нийслэлийн Засаг дарга бөгөөд Улаанбаатар хотын захирагчаар Д.Сумъяабазарыг нэр дэвшүүлж буй нь хууль зүйн хувьд боломжтой эсэхийг АН-ын бүлэг хуралдааны санал, асуултад асууж байна.
УИХ-ын гишүүн Д.Сумъяабазарыг хэдхэн сарын өмнө " Би Нийслэлийн Засаг даргад нэр дэвшихгүй. Нүх бүрт ордог хулгана биш" гэж хэлсэн ч өнөөдөр Нийслэлийн Засаг даргаар томилогдох гээд сууж байгаа нь УИХ-ын гишүүнээр сонгосон иргэдийн эрх ашгийг уландаа гишгэж байгаа хэрэг бус уу хэмээн НИТХ-ын төлөөлөгч М.Тулгат байр сууриа илэрхийллээ.
Үүнд нэр дэвшиж буй УИХ-ын гишүүн Д.Сумъяабазар хариулахдаа "Хэт их улс төржилт хэрэггүй. Өмнө нь УИХ-ын 12 гишүүн бүрэн эрхээсээ татгалзаж байсан. Одоо нэр дэвшүүлэх тухай асуудал яригдаж байна. Миний нэрийг батлах эсэхийг Монгол улсын Ерөнхий сайд шийднэ. Хэрвээ би томилогдвол нийслэлчүүдтэй илүү ойр ажиллах боломж бүрдэнэ. Хэвлэлд өгч байсан ярилцлагын хувьд тухайн үед өөрийн итгэл үнэмшлээр л хариулсан. Яг үнэндээ би дээшээ явж байна уу? Доошоо явж байна уу? гэдгээ ч ойлгохгүй явж байна" хэмээн хариуллаа.
°C
Сэтгэгдэл (140)