УИХ-ын гишүүн асан Ц.Гарамжав нь нэр төрөө сэргээлгэхээр зариг.мн сайтын сэтгүүлч Н.Өнөрцэцэгт Хан-Уул дүүргийн шүүхэд өнгөрсөн наймдугаар сард гомдол гаргасан юм.
2020 оны наймдугаар сарын 14-нд 14:00 цагт зариг.мн сайтад холбогдох, Ц.Гарамжавын нэхэмжлэлтэй шүүх хурал зарлагдсан ч нэхэмжлэгч тал болох Ц.Гарамжавын өмгөөлөгч хэргийн материалтай танилцана гэх үндэслэлээр хойшлуулсан юм.
Шүүх хурал дахин есдүгээр сард зарлагдахад Ц.Гарамжавын талаас мөн л өмгөөлөгчөө солино гэх шалтгаанаар хойшлуулаад байгаа юм. Үндсэндээ хоёр удаа нэхэмжлэгч тал болох Ц.Гарамжавын хүсэлтээр шүүх хурал хойшлов. Сэтгүүлч баримтаа хамгаалах, Ц.Гарамжав нэр төрөө сэргээлгэх шүүх хурал зарлагдахгүй мөртлөө “Монполимент” -ын зүгээс сэтгүүлчийн хувийн мэдээлэл болох твиттер, фэйсбүүк, зариг.мн сайтад үзлэг хийлгэх шүүхийн шийдвэрийг гаргуулжээ. Мөн энэ маргаан дуустал маргалдаж байгаа үндэслэлээр мэдээлэл гаргахгүй байх шүүхийн шийдвэрийг мөн Ц.Гарамжав Хан-Уул дүүргийн шүүхээр гаргуулж чадсан юм. Өнөөдөр буюу 2020 оны аравдугаар сарын 27-нд 11:30 минутаас Хан-Уул дүүргийн Иргэний хэргийн шүүх дээр сэтгүүлч Н.Өнөрцэцэгийн хувийн мэдээлэлд үзлэг хийхээр болжээ.
Сэтгэгдэл (0)
Сэтгэгдэл бичигдээгүй байна