Элчин сайдын бүрэн эрхийн хугацаа нь дуусаж, оронд нь шинээр томилох 10 гаруй Элчин сайдын асуудлыг хэлэлцэж байна.
Мөн ирэх 2021 онд бүрэн эрхийн хугацаа нь дуусах 10 гаруй Элчин сайд байгаа аж. Шинээр томилогдох ёстой нийтдээ 30 орчим Элчин сайдын томилгооны асуудал яригдана хэмээн Гадаад харилцааны сайд Н.Энхтайван хэллээ.
Тэрбээр өмнөх УИХ-ын бүрэн эрхийн хүрээнд 10 орны Элчин сайдын асуудлыг хэлэлцсэн боловч Ерөнхийлөгчийн зүгээс тэдгээр нэрсийг татаж авсан. Тэгэхээр хуулиараа шинэ Элчин сайдын нэрийг УИХ, Засгийн газар, Ерөнхийлөгчид өргөн мэдүүлэх ажил байгаа. Энэ онд хугацаа хэтэрсэн долоо, хугацаа дуусч байгаа 10 гаруй Элчин сайдын тохилгоог хэлэлцэнэ. Үндсэндээ бол 20 орчим Элчин сайдын томилгоог УИХ, Засгийн газар, Ерөнхийлөгчид танилцуулах ёстой. Ирэх онд буюу 2021 онд хугацаа нь дуусах 10 гаруй Элчин сайд бий. Тэгэхээр энэ оны төгсгөл болон ирэх оны эхний хагас жилдээ багтаад нийт 30 орчим Элчин сайдын томилгооны асуудал яригдана. Аль ч томилгоо өндөр босго, даваатай байдаггүй. Элчин сайдын томилгоо бол Гадаад харилцааны яамнаас эхлээд УИХ, Засгийн газар, Ерөнхийлөгч гэсэн олон шат даваатай. Энэ утгаараа Элчин сайдын томилгоо маш чухал байдаг.
Сэтгэгдэл (0)
Сэтгэгдэл бичигдээгүй байна