Засгийн газрын ээлжит хурал өнөөдөр 18 асуудал хэлэлцэн шийдвэрлэсэн. Засгийн газрын хуралдаанаас гарсан шийдвэрийг танилцуулж байна.
Энэ жил шинэ жилийн арга хэмжээг зохион байгуулахгүй байх шийдвэрийг гаргалаа. Гэр бүлийн түвшинд тэмдэглэх нь нээлттэй.
Засгийн газраас өнөөдөр гаргасан шийдвэрүүдийг Шадар сайд, УОК-ын дарга Я.Содбаатар танилцууллаа. Тэрбээр "COVID-19-ийн үед олон амаргүй шийдвэр гаргаж байгаагийн нэг нь шинэ жил тэмдэглэхгүй байх. Монгол Улсын Засгийн газрын хувьд иргэдийн амь насыг нэгдүгээрт тавигдана. Эрсдлийг тооцож үзээд, шинэ жил тэмдэглэхгүй байх шийдвэрийг гаргалаа. Үйлчилгээний салбарт энэ асуудал хүндээр тусаж байгаа ч 3.2 сая иргэдийн эрх ашгийг хүндэтгэх нь зөв. Төрийн байгууллагуудын нэгдсэн арга хэмжээг хориглохоос аргагүй байдалд байна. Шинэ жилийн үеэр үйлчилгээний байгууллагууд хэвийн ажиллана. 30, 40 хүнтэй нэгдсэн арга хэмжээг хориглож байна" гэв.
12 дугаар сарын 18-н хүртэл хичээллээд хоёрдугаар сарын нэгэн хүртэл амарна. Хоёрдугаар сарын нэгнээс хоёрдугаар улирлын хичээл эхэлнэ.
Сэтгэгдэл (0)
Сэтгэгдэл бичигдээгүй байна