СХД-ийн гэр хороолол бүхий 35 хорооны нутаг дэвсгэрт амьдардаг айл өрхүүдийн түүхий нүүрс хэрэглэж байгаа эсэх, галын аюулаас урьдчилан сэргийлэх нэгдсэн арга хэмжээний хүрээнд шалгалт явуулжээ. Ингэхдээ бага насны хүүхэд гэртээ 2 хоног юм идээгүй , даарсан байдалтай олдсон байна.
Тодруулбал 2020 оны 11-р сарын 04-ний өдөр СХД-ийн 35 дугаар хорооны 2-р хэсэгт түр оршин суух, хаяг тодорхой бус иргэн Н-ийн гэрт 2 өдөр дараалан очиход 4 настай эмэгтэй хүүхэд газарт хэвтсэн, орчиндоо харьцаагүй, даарсан, 2 хоног хоол идээгүй өлссөн байдалтай гэртээ байжээ.
Иймд Онцгой байдлын албаны алба хаагчид охиныг хүүхдийн тусламжийн утас 108-д мэдэгдэж, эмнэлгийн анхан шатны тусламж үйлчилгээ үзүүлсэн байна. Охин тураалтай буюу жингийн дутагдалтай, биеийн хэсгээр шарх сорвитой байсан. Охиныг холбогдох байгууллагад хүлээлгэн өгч хүүхдийг түр хамгаалах байранд тусгаарлаад байна.
Эх сурвалж: Нийслэлийн Онцгой байдлын газар
Сэтгэгдэл (0)
Сэтгэгдэл бичигдээгүй байна