Найзтайгаа уулзахаар гарсан 22 настай бүсгүйн цогцос голын уснаас олджээ

Завхан аймгийн Тосонцэнгэл сумын Улаантолгой багийн харьяат иргэн А /22 настай, эмэгтэй/ энэ сарын 3-ны өдрийн 17:00 цагийн орчимд найзтайгаа  уулзахаар гэрээсээ гараад сураггүй болжээ.

Улмаар бүсгүйн алга болсон тухай дуудлагыг гурав хоногийн дараа тус сумын Цагдаагийн хэлтэст өгсөн байна. Тосонцэнгэл сум дахь Онцгой байдлын хэлтсийн Гал түймэр унтраах, аврах 39 дүгээр анги, Цагдаагийн хэлтсийн алба хаагчид аравнэгдүгээр сарын  8-ны өдрийн 10:30 цагаас эхлэн эрэн хайх ажиллагааг зохион байгуулж, мөн өдрийн 11:00 цагт “Идэр”-ийн голын уснаас /гэрээс нь 1 км-ын зайтай, 1 метрийн гүнээс/ А-н цогцсыг олж, тус сум дахь Цагдаагийн хэлтсийн бүрэлдэхүүнд шилжүүлэн өгчээ.