2020/11/25
USD 2,811

Цагдаа нарын гэм буруугийн шүүх хурал түр завсарлаад байна

О.Шүрэнцэцэг
2020/11/09

Угтаал цайдам суманд цагдаа нарын гарт амиа алдсан байж болзошгүй талийгаачийн ар гэрийн төлөөллөөс Төв аймгийн Зуунмод хотын сум дундын шүүхийн гадаа 100 гаруй хүн иржээ.

Хэргийг эргэн сануулахад, Өнгөрсөн оны есдүгээр сарын 23-ны шөнө Төв аймгийн Угтаалцайдам суманд цагдаагийн албан хаагч н.Ууганбаатар, н.Өлзийжаргал, Угтаалцайдам сумын иргэн П.Галбадрах нарын хооронд маргаан үүсч, иргэн амиа алдсан хэрэг гарсныг бид газар дээрээс нь сурвалжлан хүргэсэн билээ.

Талийгаач П.Галбадрах "Ёл тариа" ХХК-ийн захирал бөгөөд тэр өдөр ажилчдынхаа хүнсийг бэлдэхээр хөдөө явж, үхэр авчран гаргаад, мах бэлтгэх хүмүүс олохоор сумын гудамж руу гарснаар цагдаагийн алба хаагч нартай таарч, энэ харамсалтай хэрэг гарсан.

Тодруулбал, П.Галбадрахыг Угтаалцайдам сумаас цагдаагийн автомашиндаа суулган Атарын сангийн аж ахуй /Баянхангай сум/ руу согтуурлын зэргийг нь тогтоолгохоор авч явах замдаа маргалдан асуудал үүссэн талаар тус сумын иргэд мэдээлж байв.

Тэдэнтэй хамт хулгайн хэрэгт сэжиглэгдсэн 14 настай хүү явсан бөгөөд тэрбээр "Цагдаа нар талийгаачийг зодсон. Баашилж байна гээд ус цацаад байсан" гэх мэдээллийг өгсөн байдаг.

Төв аймгийн Прокурорын газраас Эрүүгийн хуулийн ерөнхий ангийн 3.7 дугаар зүйлийн 1 дэх хэсэгт заасныг журамлан, Эрүүгийн хуулийн тусгай ангийн 10.6 дугаар зүйл /Хүний амь насыг болгоомжгүйгээр хохироох /-ийн 1 дэх хэсэгт зааснаар яллах дүгнэлт үйлдэж ирүүлсэн шүүгдэгч Б.Ө, Т.У нарт холбогдох эрүүгийн гэм буруугийн шүүх хуралдаан өнөөдөр /2020.11.09/ 10:00 цагт эхэллээ.




Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.161.7 |   2020/11/09
tsagdaa hvn alsan.bolgoomjgvigee r gej yaaj helj chadaj bainaa sanaatai zodson geed amid gerch heleed bgam bishvv
Хариулах