Улсын онцгой комисс болон Засгийн газар хуралдаж, коронавируст цар тахлын шинэ нөхцөл байдалтай холбогдуулан арваннэгдүгээр сарын 12-ноос арваннэгдүгээр сарын 17-ныг хүртэл таван хоногийн хугацаанд бүх нийтийн бэлэн байдлын зэрэгт шилжүүлж байгааг зарласан.
Цар тахлын онцгой нөхцөл байдалтай үед аж ахуйн нэгжүүдийг бараа бүтээгдэхүүний үнийн төвшинг тогтвортой байлгахыг шаардаж байгаа билээ. Хэрвээ үндэслэлгүйгээр үнийн хөөрөгдөл үүсгэсэн бол Зөрчлийн тухай хуульд зааснаар иргэнийг хоёр сая, хуулийн этгээдийг 20 сая төгрөгөөр торгоно гэдгийг Шударга өрсөлдөөн, хэрэглэгчийн төлөө газраас анхааруулж байгаа юм.
Харин Бүх нийтийн бэлэн байдлын зэрэгт шилжсэн энэ үед үнийн хөөрөгдөл үүсгэж, үндэслэлгүй бүтээгдэхүүний үнийг нэмсэн тохиолдолд Эрүүгийн хуульд заасны дагуу хариуцлага хүлээлгэх юм. Эрүүгийн хуульд "Гамшиг, аюулт үзэгдэл, халдварт өвчин, осол, аюулын үед үнийн хөөрөгдөл, бараа бүтээгдэхүүний зохиомол хомстлыг бий болгосон бол 5 сая 400 мянган төгрөгөөс 27 сая хүртэл төгрөгөөр торгох ял шийтгэнэ" гэж заасан байна.
°C