2020/11/24
USD 2,811

Говьсүмбэр аймагт хатуу хөл хорио тогтоож, тэг зогсолт хийхээр боллоо

О.Шүрэнцэцэг
2020/11/18

Говьсүмбэр аймагт коронавирусийн нэг тохиолдол бүртгэгдсэнтэй холбоотойгоор тус аймгийн Онцгой комисс шуурхай хуралдаж дараах шийдвэрийг гаргажээ.

Аймгийн Онцгой комиссын шуурхай хуралдааны шийдвэр

1. Аймаг даяар хатуу хөл хориог тогтоож бүх үйлчилгээний байгууллагууд 2020 оны 11 дүгээр сарын 18-ны өдрөөс 0 /тэг/ зогсолт хийнэ.
2. Аймгийн замын хөдөлгөөнийг 100 хувь хаана.
3. Аймгийн Онцгой комисс өдөр бүр хуралдаж асуудлуудыг шуурхай шийдвэрлэнэ.

Говьсүмбэрт гарсан тохиолдлыг аймгийн Эрүүл мэндийн газар, Нэгдсэн эмнэлэг өчигдөр хяналтанд авсан бөгөөд тус тохиолдолын хавьталыг тогтоох зорилгоор аймгийн хэмжээнд 0 /тэг/ зогсолтыг хийж байгаа болно.

Хатуу хөл хорионы хугацаанд
#Говьсүмбэрчүүдээ гэртээ байцгаая
#Маскаа зүүе
#Гараа ариутгая
#Хамтдаа Covid-19-ийн эсрэг нэгдэцгээе

Иргэд та бүхэн тайван байж аймгийн Онцгой комисс, мэргэжлийн байгууллагын заавар, зөвлөмжийг сайтар дагана уу.