2021/01/22
USD 2,811

Төмөр замын Эрдэнэт өртөөний есөн ажилтан, дөрвөн хүүхдээс коронавирус илэрчээ

О.Шүрэнцэцэг
2020/11/19

Орхон аймагт коронавирусын 13 тохиолдол илэрснийг ЭМЯ 11 цагийн мэдээллээр хүргэсэн. Бид мэдээллийг эх сурвалжуудаас тодрууллаа. Төмөр замын Эрдэнэт  өртөөний 23-58 насны есөн ажилтнаас коронавирус илэрчээ. Мөн 6-12 насны дөрвөн хүүхдээс илэрсэн байна. Эрдэнэт өртөөний ажилчид хаанаас коронавирусаар өвчилсөн байх магадлалтайг тодруулахад Дархан-Уул аймагт коронавирусын халдвар тээсэн төмөр замын ажилтан Г-гийн гэр нь Эрдэнэт хотод байдаг гэх мэдээллийг өглөө. Одоогийн байдлаар Г-ийн Эрдэнэт хотод байдаг хоёр хүүхдээс нь коронавирус илэрчээ . Тэдний ойрын хавьтлын 370 гаруй хүнээс түргэвчилсэн оношлуураар шинжилгээ авахад сөрөг гарсан байна. Гэхдээ баталгаажуулахаар ХӨСҮТ-рүү явуулжээ.