Солонгос улсад шинэ төрлийн корона вирусийн давалгаа эхэлснээс хойш халдварын тоо аажмаар нэмэгдсээр байгаа юм. Өчигдрийн /2020.11.18/ байдлаар гэхэд нэг өдрийн дотор шинэ төрлийн корона вирусын 343 тохиолдол бүртгэгджээ. Энэ нь сүүлийн гурван сард гарсан хамгийн өндөр тоо юм. Тодруулбал, өнгөрсөн 8 дугаар сарын 29-ний өдөр 323 тохиолдол бүртгэгдэж байсан юм.
Өмнөд Солонгост Корона вирусийн эхний давалгаа тус улсын Дэгү зэрэг томоохон хотууд 2,3 дугаар саруудад үргэлжилсэн бөгөөд 2 дахь давалгаа нь 8,9 дүгээр саруудад гарсан гэж үздэг. Энэ сард шинэ төрлийн корона вирусийн тохиолдол өдөр өдрөөр нэмэгдэж байгаа нь цар тахлын гурав дахь давалгаа эхлэх магадлалтай гэсэн түгшүүр бий болгож байгааг албаныхан онцолж байна. Халдвар өдөр тутмын амьдрал, гэр бүл, ажлын байран дээр өргөн тохиолддог бөгөөд энэ нь аюулын хэмжээнд хүрэх магадлалтай байна гэж үзжээ. Энэ сарын 7-ны өдөр нийт 23 хүн оролцсон офлайн уулзалтын үеэр халдвар авч, гэр бүлийн гишүүд танил хүмүүст нь тархаж нийт 20 тохиолдол батлагджээ. Мөн Кёнги дахь тавилга үйлдвэрлэгчдийн хуралдээрээс 11 хүн, Ансан дахь усан бассейнаас 12 хүн, Гангвон дахь сувилахуйн эмнэлгээс 11 хүн халдвар авсан зэрэг нь олноороо цугласан газраас халдвар тархах эрсдэл өндөр байгааг харуулж байгаа тухай албаныхан онцолж байна. Тиймээс хорио цээрийн дэглэмийг иргэдийн зүгээс онцгой анхаарах шаардлагатай байна.
11 дүгээр сарын 1-ний өдрөөс эхлэн вирусын тохиолдлын нэмэгдсэн тоог авч үзвэл, 124→97→75→118→125→145→89→143→126→100→146→143→191→205→208→222→230→313→343
Цар тахал эхэлснээс хойш Өмнөд Солонгост нийт 29311 халдварын тохиолдол бүртгэгдэж, 25973 хүн эдгэрч, 496 хүн нас бараад байна.
°C