Өнөөдөр УИХ-ын чуулганаар гишүүд өчигдрийн сэтгүүлчдийн асуусан асуултыг бие биеэсээ асууж, Улсын онцгой комиссынхон өнөөх хариултаа л хэлж байна.
Харин УИХ-ын гишүүн П.Анужин үүнийг шүүмжилсэн юм.
УИХ-ын гишүүн П.Анужин үүнийг шүүмжилсэн юм. Тэрбээр "Бид ингээд хэний ч асуугаад хариулчих асуултыг асуугаад суумааргүй байна. Бид асуудлаа мэдэж байна. Өнгөрсөн гуравдугаар сард Цар тахалын тухай хууль батлагдсан. Гэтэл өнөөдөр банкны зээлийн эргэн төлөлтийг хойшлуулна гэхээс өөр тодорхой мэдээлэл алга. Тодорхой зохицуулалтыг хуулинд нь оруулж өгмөөр байна. Бид өнөөдөр асуулт асуугаад суух биш, амьдралд хэрэгтэй хууль батлах хэрэгтэй байна. Аюулгүй байдлын байнгын хороо яагаад хуралдахгүй байгаа юм бэ гэж Н.Алтанхуяг гишүүн хэлж байна. Энэ байнгын хороогоо хуралдуулаад болохгүй байгаа зүйлийг нь хуулиараа засах хэрэгтэй байна" гэлээ.
Шадар сайд Я.Содбаатар: Хатуу хөл хорионы дэглэмийг 90 хувиас дээш хэмжээнд хүргэж байж өвчний тархалтыг хумина. ДЭМБ-аас замын хөдөлгөөнийг 90 хувиас дээш хэмжээнд хумих зөвлөмжийг өгсөн. Үүний дагуу хөдөлгөөнийг хязгаарлаж байгаа.
Хүнс хөдөө аж ахуй, хөнгөн үйлдвэрийн сайд З.Мэндсайхан: Нөөцийн махнаас гулууз гаргаад байгаа асуудал бол иргэдээс хүсэлт ирээд байгаа юм. Бид махаа их хэмжээгээр нөөцөлж авья, ялангуяа хонины махыг их хэмжээгээр зах зээлд гаргаачээ гэсэн хүсэлт өгөөд байгаа юм. Хүнсний дэлгүүрүүдээр махны жижиглэнгийн худалдаа хэвийн явагдаж байгаа.