Багануур дүүрэгт коронавирусийн нэг тохиолдол бүртгэгдлээ . 2020 оны арваннэгдүгээр сарын 20- ны өглөө нэг сэжигтэй тохиолдол илэрчээ. Тухайн сорьцыг ХӨСҮТ -д писиарын давтан шинжилгээнд өгсөнөөр эерэг болох нь батлагджээ.
Дүүргийн Эрүүл мэндийн төвийн дарга Д.Шинэбаяр “Арваннэгдүгээр сарын 20-ны өдөр Багануур дүүрэгт сэжигтэй тохиолдол илэрсэн талаар мэдээлсэн. Сорьцыг ХӨСҮТ-ийн вирус судлалын лабораторид шинжилэхэд тухайн сэжигтэй тохиолдлын хариу эерэг гарч, батлагдаж ирлээ. Ингэснээр Багануур дүүрэгт коронавирусний нэг тохиолдол батлагдаад байна. Халдвар илэрсэн учраас иргэд гэрийн дэглэм сахиж, амны хаалтаа зүүж, халдвар хамгааллын дэглэмийг чанд сахих шаардлагатай.
Сэжигтэй тохиолдол бүртгэгдсэн цагаас эхлэн бид хавьтлыг тодорхойлох бүх шаардлагатай арга хэмжээг авч ажиллаж байна. Халдвартай иргэний ойрын хавьтал болох 17, дам хавьтал болох 20, нийт 37 хүнээс түргэвчилсэн оношлуураар шинжилгээ авсан. Эхний байдлаар бүгд сөрөг гарсан. Дахин баталгаажуулах шинжилгээ хийнэ" гэлээ.
Эх сурвалж : Багануур дүүргийн ЗДТГ