2020/11/29
USD 2,811

Бруней улсад 26 өдрийн турш шинэ тохиолдол илрээгүй байна

О.Шүрэнцэцэг
2020/11/21

 Аравдугаар сарын 22-нд Куала Лумпураас тус улсад зорчсон иргэнээс халдварын тохиолдол илэрснээс хойш шинээр вирусын тохиолдол илрээгүй  26 өдөр болж байгааг эх сурвалжууд мэдээллэж байна. Ингэснээр тус улсад корона вирусийн халдвар авсан иргэдийн тоо 148 хэвээр байна. Тусгаарлах байранд 489 хүн байгаа бөгөөд тэдгээр иргэд нь бүгд гадны улс орноос буцаж ирсэн хүмүүс юм байна. Өнөөдрийг хүртэл тус улсад Covid-19-ийн улмаас гурван хүн нас бараад байгаа юм.


Дашрамд дурдахад, тус улсын эрүүл мэндийн сайд “Брунейд бусад улс орноос ирж байгаа хүн бүр өөрийгөө 2 долоо хоногийн турш тусгаарлах шаардлагатай”, хэрэв уг дэглэмийг зөрчвөл 6 сар хүртэл хугацаагаар баривчлах, эсвэл 10,000 доллараар торгох шийдвэрийг гаргаад байсан юм. Мөн тус улсын эрүүл мэндийн байгууллагууд, коронавирусаас өөрийгөө хэрхэн хамгаалах талаар зааварчилгаа боловсруулж олон нийтийн сүлжээгээр дамжуулан хүргэж байна. Хэрэв Covid-19-ийн шинж тэмдэг илэрсэн тохиолдолд өөрийгөө тусгаарлахыг зөвлөж байна. Үүний дээр Эрүүл мэндийн яамны зүгээс иргэн бүр мэдээлэлтэй байж, Covid-19-ийн халдвараас өөрийгөө хамгаалахыг уриалж байгаа юм.