Covid-19-ийн нэг ч тохиолдол бүртгэгдээгүй хэд хэдэн улсыг нэрлэж байна. Эдгээр улс орнууд нь номхон далайн өмнөд хэсэгт орших Палау, Микронези, Кирибати, Тувалу, Самоа, Тонга зэрэг арлын улсууд юм. Цар тахлын эсрэг хийсэн арга хэмжээ нь тусгаарлалт бөгөөд хамгийн сайн хамгаалалт болсон юм. Гэвч Covid-19-ийн улмаас тухайн улс орнуудын эдийн засгийн нөхцөл байдал тогтвортой биш байна. Аялал жуулчлалаас эдийн засаг нь ихээхэн хамаардаг эдгээр улс орнуудын зочид буудал, наран шарлагын газрууд нь ямар ч үйлчлүүлэгчгүй байгааг эх сурвалж онцолж байна.
Мөн эдгээр улсаас гадна Covid-19-ийн тохилдол нэг ч бүртгэгдээгүй улс орон бол Туркменистан, Хойд Солонгос юм. Туркменистаны Засгийн газар чимээгүй байсаар байтал ард иргэд нь корона вируийн шинж тэмдэг илэрч нас барж байна гэсэн мэдээлэл гарах болсон ч тус улсын Засгийн газар Covid-19-ийн тохиолдлыг зарлаагүй байгаа юм. Мөн тус улсын засгийн газар 2021 он хүртэл хилээ нээхгүй бөгөөд Олон улсын агаарын тээвэр, далай, төмөр зам, авто замын тээврийн хязгаарлалтыг 2021 оны нэгдүгээр сарын 1 хүртэл сунгасан байна.
Харин Хойд Солонгосын тухайд Covid-19 илрээгүй гэсэн мэдээллийг ДЭМБ-т хүргэсээр байгаа юм. Дэлхийн томоохон хэвлэл мэдээллийн хэрэгслээр Хойд Солонгост корона вирусын халдвар илэрч, хэд хэдэн хүн нас барсан тухай мэдээллэж байсан боловч уг мэдээллийг үгүйсгэсээр байна.
Эх сурвалж: Statista.com