Сэлэнгэ аймгийн Сүхбаатар, Алтанбулаг, Зүүнхараагийн иргэдийг олноор нь PCR шинжилгээнд хамруулахаар ажиллаж байна. Мөн Дарханд төмөр зам дагасан голомтууд зорчсон учраас мөн шинжилгээ авч ажиллаж байгаа бөгөөд өрх бүрээс нэг хүн шинжилгээ өгнө.
Нөөцийн махны худалдааг өнөөдрөөс зогсоосон. Учир нь махны нөөц, худалдан авалт тогтворжсон.
Улаанбаатар хотын 15 байршилд нөөцийн махыг худалдан борлуулах үйл ажиллагааг өнөөдрөөс эхлэн зогсоохоор болсныг Шадар сайд мэдэгдлээ. Энэ сарын 14-22-ны өдрүүдийн хооронд 494,8 тонн нөөцийн мах худалдаанд гаргажээ.
Улаанбаатар хотын хэмжээнд махны нийлүүлэлт, хангалт хэвийн түвшинд байгаа гэж үзсэн учраас өнөөдрөөс нөөцийн махны борлуулалтыг зогсоохоор болсон байна.
Цар тахал голомтлон гарсан Сэлэнгэ, Дархан-Уул аймагт 360 тонн нөөцийн мах хүргүүлжээ.