2021/01/16
USD 2,811

Н.Алтанхуяг: Одоо больёо ажлаа хий Я.Содбаатар: Битгий хоёрын хооронд улс төрж

О.Шүрэнцэцэг
2020/11/24

Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуулийн биелэлтийг хэлэлцэх, хяналт тавих, санал, дүгнэлт гаргах үүрэг бүхий Түр хорооны хуралдаан болж байна.

УИХ-ын гишүүн Н.Алтанхуяг “Одоо жоохон шуурхай ажилламаар байна. Газар, газар түгжигдсэн хүмүүсээ яах гээд байгаа юм бэ. Долоо хоногийн өмнө л асуусан. Яг тэр хариултаа хэлээд сууж байна. Түр хороо ажлаа хий л дээ. Оношилгоо, эмчилгээнд чинь эргэлзэж байна. Я.Содбаатар, Т.Мөнхсайхан хоёроос асуугаад нэмэр алга. Тэр мэргэжлийн хүмүүсийг нь суулгаад байнгын хорооны хурал дээр ярилцмаар байна” гэхэд 
Шадар сайд Я.Содбаатар: Түгжигдсэн гээд байгаа хүмүүсийг та Шадар сайд байгаад ч гаргаж чадахгүй Н.Алтанхуяг аа. Хатуу хөл хорио юм чинь хүмүүсийг хорино шүү дээ. Хамгийн гол нь халдвар тараад байна. Та ч ийм ажил хийж байсан. Хоёрын хооронд битгий улс төр хийж бай. Мэргэжлийн хүмүүсийн зөвлөмж дээр тулгуурлаж энэ саналыг гаргадаг. Би энэ орон нутгийн иргэдийг өнөөдөр ч гэсэн гаргамаар байна. Гэтэл нийт иргэдээс ойрын хавьтлаа нуусан хоёр халдвар гарчихлаа. Хэрвээ халдвар нэмж гараагүй байсан бол өнөөдрөөс гаргах асуудлыг ярих гэж байсан” гэсэн  тайлбарыг өгсөн юм.