Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуулийн биелэлтийг хэлэлцэх, хяналт тавих, санал, дүгнэлт гаргах үүрэг бүхий Түр хорооны хуралдаан болж байна.
Түр хорооны хурлын үеэр УОК-ын дарга, Монгол Улсын Шадар сайд Я.Содбаатар хэлэхдээ өнгөрсөн амралтын өдрүүдэд олон нийт дундаас коронавирусын хоёр тохиолдол илэрсэн. Ойрын хавьтлуудаа нууж байсан, тэр хүнээс нь коронавирус илэрлээ. Нөгөө нь Төмөр замын өрхийн эмнэлгийн ажилтнаас илэрлээ. Одоо хавьтлуудыг тогтоохоор ажиллаж байна.