2021/01/25
USD 2,811

Дарханд хоёр хүний шинжилгээний хариу ЭЕРЭГ гарлаа

О.Шүрэнцэцэг
2020/11/26

Дархан-Уул аймгийн онцгой комиссоос мэдээлэл хийлээ. Дархан-Уул аймгийн хэмжээнд “нэг өрх нэг иргэн”-ийг шинжилгээнд хамруулах ажлыг гуравдахь өдрөө зохион байгуулж байгаа талаар аймгийн Засаг дарга Б.Азжаргал хэллээ. Өчигдрийн байдлаар 18 мянган өрхийг шинжилгээнд хамруулаад байна. Өнөөдөр үлдсэн иргэдийг хамруулах юм байна. 

Эхний 2600 хүний багцаас хоёр иргэний шинжилгээний хариу ЭЕРЭГ гарсан талаар ЭМЯ-наас мэдээлсэн байна. Тиймээс Дархан-Уул аймгийн Онцгой комисс дээрх хоёр иргэний мэдээллийг судалж ойрын болон дам хавьтлуудыг олж тогтоох ажлыг хийж байгаа юм. Сүүлийн хэдэн өдөр Дархан-Уул аймагт халдвар нэмж бүртгэгдээгүй байсан. Гэтэл бүх иргэдийг шинжилгээнд хамруулах ажлын эхний 2600 хүний шинжилгээнээс хоёр тохиолдол батлагдсан тул иргэдийг анхаарал болгоомжоо сулруулахгүй байхыг анхаарууллаа.