ЭМЯ-наас коронавирусийн талаарх цаг үеийн ээлжит мэдээлэл хийлээ. Энэ үеэр ХӨСҮТ-ийн Тандалт, судалгааны албаны дарга А.Амбасэлмаа “Өчигдөр нийт 16599 хүнд “PCR” шинжилгээ хийсэн. Үүнээс хавьтлын 500 гаруй хүнд шинжилгээ хийхэд долоон хүнээс коронавирусийн халдвар илэрлээ. 16 мянган хүнээс халдвар илрээгүй. Улаанбаатар хотод нэг, Сэлэнгэ аймагт батлагдсан зургаан хүний тав нь нэг гэр бүлийн гишүүд байсан. Ингэснээр Монгол Улсад бүртгэгдсэн халдварын нийт тохиолдол 819 боллоо. Өнөөдрийн байдлаар 365 хүн эдгэрээд байгаа бол ХӨСҮТ, Цэргийн төв эмнэлэгт 445 батлагдсан тохиолдол эмчлэгдэж байна” гэв.
Улаанбаатарт батлагдсан тохиолдол илэрсэн иргэн ойрын хавьтлаа хэлэхгүй байсан. Бид ойрын хавьтлыг хөөхөд ШЕЗ-ын үйлчлэгч эмэгтэйгээс вирус илэрсэн. Тухайн эмэгтэй 2 давхарт үйлчлэгч байсан учраас тухайн давхарын ажилчдыг тусгаарласан.Одоогоор ойрын хавьтлын хүмүүсэс шинжилгээ авахад вирус илрээгүй байгаа.
Үйлчлэгчийн ойрын хавьтал болох нийт 50 гаруй иргэнийг тусгаарлаж, шинжилгээ авахад 37-аас нь коронавирус илрээгүй.