АНУ-ын Pfizer, Германы BioNTech компани хамтран бүтээсэн коронавирусын эсрэг вакциныг үйлдвэрлэх зөвшөөрлийг олгосон анхны улс нь Их Британи боллоо. Тус улсын Эрүүл мэндийн сайд Мэтт Хэнкок “Энэ он үнэхээр аймшигтай байсан ч ирэх онд энэ байдал сайжирна. Хавар гэхэд бүх зүйл сайхан болно гэдэгт би итггэлтэй байна. Зун гэхэд бид хэвийн амьдралдаа шилжинэ. Ирэх долоо хоногт эхний 800 мянган тун вакцинаа хүлээн авна. Эхлээд ахмад настан, гэрийн асаргаанд байдаг хүмүүс, эрүүл мэндийн ажилтнуудаа хамруулна” гэж ярилаа. Энгийн үед ийм вакцин үйлдвэрлэхэд 10 жил зарцуулдаг бол дээрх компаниуд хамтран 10 сарын дотор үйлдвэрлэж, хэрэглээнд нэвтрүүлсэн анхны тохиолдол нь энэ юм. Их Британи энэ вакцинаас 40 сая тунг захиалжээ. Энэ нь эхний ээлжинд 20 сая хүнийг хамруулах боломжтой гэсэн үг юм.
Эх сурвалж:BBC
°C